«Павлодар қаласының № 19 жалпы орта білім беру мектебі» ММ
Павлодар қ., Камзин көш., 62/1
615223
Білім бөлімінің басты бетіне қайту
Бір жылда2982709
Бір айда220541
Бір аптада53189
Кеше7990
Тәулік13279
Директор парақшасы

 

БЕКБАЕВА АЙНҰР ТЛЕГЕНҚЫЗЫ

01.09.1976 жылы дүниеге келген. 1993-1995 жж. Павлодар Педагогика Институты, орыс тілінде оқытатын жалпы білім беретін мектептегі қазақ тілі мұғалімі, 1996-1999 жж. Павлодар Мемлекеттік Университеті, қазақ тілі мен әдебиеті пәнінің  мұғалімі мамандығы бойынша тәмамдады.

Қызмет жолы туралы мәлімет:  1995 жылдан бастап «Павлодар қаласы К.Макпалеев атындағы № 4 жалпы білім беретін орта  мектебі» ММ қазақ тілі мен әдебиеті пәнінің  мұғалімі, 2002 жылдан бастап аталған ұйымда  ДОТЖЖО болып тағайындалып, 2014  жылға дейін қызмет етті. 2015- 2017 жылы «Өрлеу» БАҰО»  АҚФ Павлодар облысы бойынша ПҚ БАИ жұртшылықпен байланыс және баспасөз қызметі бөлімінің бас маманы.

Жетістіктері:

- Павлодар облыстық білім және ғылым қызметкерлері кәсіподағының алғыс хаты,  2016 жыл;

- Павлодар облысының білім беруді дамытудың инновациялық орталығының алғыс хаты, 2016 жыл;

- ҚР Білім және ғылым министірлігі Ұлттық тестілеу орталығының алғыс хаты,  2014 жыл;

-Қалалық «Білім беру көшбасшысы -2013» сайысының «Жетістік амалы» аталымының жеңімпазы;

-«Ұстаздық қошемет -2012» дипломының иегері;

-Білім беру саласында жоғары жетістіктері үшін есімі «Табыс-2013» кітабына еңгізілді;

-ҰБТ-ға және пән олимпиадасына оқушыларын сапалы дайындағаны үшін бірнеше рет Қалалық білім беру бөлімінің Мақтау қағазымен марапатталды;

-Халықаралық, Республикалық, облыстық ғылыми- тәжірибелік конференцияларының қатысушысы.

-Оқушылары облыстық  «Жарқын болашақ» және қалалық пән олимпиадасының жүлдегерлері, Халықаралық «Сәтпаев оқулары», облыстық және қалалық сайыстарының жеңімпаздары.

          Мектеп - біздің ертеңіміз. Оның қандай болатыны әрқайсымызға байланысты. Мектеп - әр күні бір-біріне ұқсамайтын,әр сәті- ізденіс үстіндегі, зерігуге уақыт жоқ, үнемі адамдарға жақсылық жасауға ұмтылыста, өз басына  айналасындағылардың қызығушылығын тудыратын, тартымды, адамдарға жағымды энергия тарататын, білгенімен бөлісетін, білімге құмар, салғырттықтан қашатын ғажайып ел.    Сондықтан мұндай ғажайып елге тек қана ең төзімді, ең қуатты, жауапкершілігі мол, ең мейірімді, талантты да дарынды адамдар ғана сыйымды. Олар - ұстаздар. Егер таңқалдыра алмасаң, қызықтыра алмасаң, төзімің жетпесе-өз жөніңді біл, алыста. Бұл елде енді ешкімге керегің жоқ. Бұл-ерекше ел ғой. Бұл - мектеп. Ұстаз-жас өркен мен қоғам арасындағы байланыс күші. Ол тәрбиеші әрі тәлімгер. Бұл оның адами, азаматтық ұстанымы. Оның ісі адамды қалыптастыруға бағытталған. Ұстаздар ұжымының  көшбасшысы - директор.

 Заманауи мектеп директоры, ол-кім? Ұстаз ба, менеджер ме, әлде шенеунік... Осылайша  ұзақ  жалғастыра беруге болады, расында да, оның кім екенін түсіну қиын, бір жұмыс күні ішінде сан қабат бірін-бірі алмастырып жатқан тіршілікте өзінің еңбегінің жемісіне қанаттанып, болмаса көңілі пәс тартып жұмысына қанағаттанбайтын, атқарған ісіне есеп беріп, жаңалық ашушы.

  Жұмыс тәжірибем көп емес. Менің ойымша, білім беру мекемесінің директоры ең алдымен кәсіби ұстаз болу  керек. Сонымен қатар менеджменттік қабілеті мен мекемені басқара білуі керек. Қазіргі нарықтық экономика жағдайында  мектеп ісінің негізгі салаларын келешекке сауатты түрде бағыттай білуі керек. Басшы моральдық тұрғыда  биіктен көріне білуі қажет. Мектеп директоры ретінде қояр талабым - өзгеге түсінушілікпен қарап, өзіме келгенде қатал, ережелерге бағынып, ұстанымдарды қабылдап, адал да әділетті болу.

   Менің мақсатым: мұғалімдердің кәсіби өсуіне барынша оңтайлы жағдай жасап, мектеп ісінің нәтижелі болуына педагогикалық ұжымды жұмылдыру.

  Менің қызметіме орай менің айналамда әрқашан мені керек ететін және маған қажетті  адамдар. Жанымда -әріптестерім, пікірлестерім. Олар маған сенеді, көмектеседі. Менің ойымша, мен ол адамдардың сенімінен шығып, үміттерін ақтай аламын.