Біздің дана халқымыз «Дені саудың –тәні сау» деп бекер айтпаған. Спорттық қай түрімен айналысу адамның қабілетіне байланысты. Ондағы негізгі идея баланы салауаттылыққа ынталандыру, дене тәрбиесі мен спортпен айналысуға үгіттеу. Себебі еліміздің ертеңі білімді де дені сау жастар қолында.  Уақытты тиімді пайдаланып, өмірден өз орнын табу үшін спорт қажет-ақ.

Мен өзім бес жастан бастап гимнастикаға қатысамын. Бұл спорт түрі менің ширақ, мықты да төзімді  болып өсуіме көп пайдасын тигізді. Сіңлім де гимнастикамен айналысуды бастады. Біз гимнастиканы дұрыс меңгеріп, Әлия Юсупова, Марина Петрова секілді атақты болып, ел намысын биіктен көрсеткіміз келеді.

Айбота МАЖЕЕВА.