30 қазан - 1 қараша аралығында Өрлеу БАҰО АҚФ Павлодар облысы бойынша Кәсіби даму институтының ұйымдастыруымен облыс мұғалімдеріне арналған «Білім алушылардың білім жетістіктері сапасын арттыруды (ББЖМ) ұйымдастырудағы жүйелі тәсіл» атты облыстық семинар өтті. Мақсаты: орта білім беру ұйымдарының білім алушыларының білім сапасын жақсартуға, функционалды сауаттылық деңгейін арттыруға және оқыту сапасын жүйелі қадағалауға әдістемелік қолдау көрсету.
Бұл семинарда біздің мектептің химия пәнінің мұғалімі Г.К. Рысмаганбетова, бастауыш сынып мұғалімдері К.С. Жомартова мен Д.К. Шабажанова өз тәжірибелерімен бөлісті.
Семинар барысында білім алушылардың оқу даярлығының әлді және әлсіз жақтары анықталып, ҮОБ оқу мақсаттарының негізінде білім алушылардың оқу сауаттылығын арттыруда мәнмәтіндік тапсырмалар құрастырылды.
Әр қатысушы семинар тақырыбы бойынша әдістемелік ресурстар базасына қол жеткізді. Семинар соңында облыс бойынша қатысқан мұғалімдер өз ойларымен бөлісіп, тренерлерге алғыс білдірді.