Футболдан СДЮШОР “Ертіс” командасы 2009 жылы туған жасөспірімдер командалары арасындағы Павлодар облысы біріншілігінің жеңімпазы атанды. Бұл турнир Ұлы Отан соғысындағы Жеңістің 80 жылдығына орай өткізілді.

2009 жылғы балалар арасындағы турнир Прииртышье өңірінен республикалық чемпионатқа жолдама алатын командаларды анықтайтын облыстық жарыстар легінің бастауы болды.

Аталған жас санатында жеңіске сегіз команда таласты. Олардың екеуі футболдан СДЮШОР “Ертіс” атынан қатысты. Екі команда да топтық кезеңнен сәтті өтіп, жартылай финалға, одан кейін жүлделі орындар үшін болатын ойындарға жолдама алды.

Өкінішке орай, “Ертіс” командасының “екінші” құрамы қола медаль үшін өткен ойында Экибастуз қаласының ДЮСШ №1 командасынан жеңіліп қалды. Кеншілер қаласының ұжымы 3:2 есебімен басым түсті.

Ал СДЮШОР-1 ойыншылары қуантты. Олар финалда Ақсу қаласының бұрыннан келе жатқан қарсыласын сенімді түрде ұтты. Бірінші таймда үш гол соғып, жақсы басымдыққа ие болды. Үзілістен кейін ақсулықтар бір голмен жауап қайырғанымен, одан әрі шабуылдай алмады — 3:1.

Облыстық турнирдегі жеңістен кейін СДЮШОР “Ертіс” командасы қалалар мен облыстар командалары арасындағы ел чемпионатына дайындықты бастайды.Галлям Аслан 9”в” сынып оқушысы СДЮШОР 1 команданың қатысушы,және чемпионы