Елорда мақтанышы балалар көзімен: Астана күніне арналған сурет байқауы!
Жазғы лагерімізде ерекше шығармашылық атмосфера орнады! Бас қаламыз — Астана күніне орай оқушыларымыздың қатысуымен «Менің сүйікті Астанам» атты сурет салу іс-шарасы өтті. 
Балалар өз қиялдары мен жүрекжарды тілектерін ақ қағаз бетіне түсіріп, зәулім бәйтеректі, ерекше ғимараттар мен елорданың көркем табиғатын бейнеледі. Әрбір туындыдан жас дарындарымыздың Отанға деген сүйіспеншілігі мен ыстық ықыласы байқалып тұрды. 
Бұл шара балалардың шығармашылық қабілетін арттырып қана қоймай, бойларындағы патриоттық сезімді ұялата түсті. Елордамыз гүлдене берсін!