Қазақстан халқының тілдері күнін мерекелеу аясында Әлихан Бөкейхан атындағы мектеп-лицейінде оқушылардың сөйлеу мәдениетін, шығармашылық қабілеттері мен медиасауаттылығын дамытуға бағытталған заманауи подкаст-студияның ашылуы өтті.
Студияның ашылу салтанатына білім беру ісінің құрметті қызметкері, «Құрмет» орденінің иегері, филология ғылымдарының кандидаты, профессор Айман Файзоллақызы, демеуші Риза Дияровна Абденбаева, сондай-ақ ақын, журналист Алтынбек Елемесұлы қатысты.
Жаңа студия оқушыларға сұхбат жүргізуге, өзіндік медиаконтент әзірлеуге, өзекті тақырыптарды талқылауға және өз ойын сауатты әрі еркін жеткізу дағдыларын жетілдіруге мүмкіндік беретін заманауи алаңға айналады.