№20 лицей- мектебінде Ұстаздар күні қарсаңында өзін –өзі басқару күні болып өтті. Бұл күні лицейде тағы бір сынып- 12 «А» сыныбы пайда болды. Бұл сыныптың оқушылары мұғалімдер болды. Ал сабақтардың барлығын биылғы оқу жылының түлектері өткізді. Таңертеңнен бастап, лицейде мерекелік атмосфера орнады: мұғалімдерді музыка және фейерверк шашуымен қарсы алды. Лицейліктер өздерінің ұстаздарын қатты қол шапалақтаумен қарсы алып, «жанды коридор» ұйымдастырды.