2020 жылдың 12 мамырында Павлодар қаласы  білім беру бөлімінің «Павлодар дарыны» дарынды балалардың дамуы мен бос уақытын қамту орталығы ұйымдастырған 11 сынып жеткіншектері арасындағы «Сардар» қашықтық олимпиадасы өткізілді. Шараның мақсаты-әскери білімнің беделін насихаттау, оқушылардың шығармашылық  қабілетін дамыту және еліміздің әскери жоғары оқу орындарында оқу үшін ең дайын деген кандидаттарды іріктеу.

     Онлайн-олимпиадаға қала мектептерінен 15 жеткіншек қатысты,солардың қатарында №20 лицей-мектебінің оқушылары Ерасыл Маратов пен Ыбырайым Қайыртас та болды.

      Жарыс екі турдан тұрды: бірінші турда қатысушылар қазақ және орыс тілдерінде математикадан, физикадан, Қазақстан тарихынан, алғашқы әскери дайындықтан тест тапсырмаларын орындады, екінші турда жеткіншектер өздерінің физикалық қабілеттерін көрсетті. Нормативке сай күш пен төзімділікке жаттығулар орындады: еденнен итерілу, бүктелген шынтақтан планкада тұру, орыннан денені көтеру.

     «Сардар» қашықтық олимпиадасының жеңімпаздары арасында ІІІ орын иеленген 11 сынып оқушысы Ерасыл Маратовтың болғанын қуанышпен  атап өтуге болады.           

       Ерасылды жеңісімен құттықтаймыз!