Ақпанның 26 күні «Бастауыш сынып» айлығына байланысты 2 «Ә» сынып жетекшісі Орумбаева Динара Жастілекқызы «Қазақстан болашағы – білімді ұрпағында» атты интеллектуалдық ойын өткізді. Ойынға «Болашақ», «Достық», «Бірлік» топтары қатысты. Интеллектуалдық ойын 5 айналымнан тұрды. Таныстыру (әр топ өздерін таныстырды), «Білімді мықта»(әдебиет пен математика пәні бойынша сұрақ - тапсырмалар), мақал-мәтел сайысы (оқу, білім, достық туралы), «Ою ойғанын ойы ұшқыр» және топ жетекшілер сайысы (Қазақстан сөзіне кім көп сөз құрастыра алады). Ойында оқушылар өз білімдерін көрсетіп, білімге деген құштарлықтарын көрсете білді. Сайыс өте қызықты да, әсерлі өтті. Ойында «Бірлік» тобы жеңіп, алға шықты. Соңында 2 «Ә» сынып оқушылары «Бауырсақ» ертегісін көрсетті.

2 «А» сынып жетекшісі: Оразова Д.Ө.