«Өр рухты Махамбет»
(Қазақ батыры, ақын М. Өтемісұлының туғанына - 220 жыл)

2023 жылғы 13 сәуірде Д. Әбілев атындағы көпшілік кітапханада №24 ЖОМ КММ 7 «А» сынып оқушыларымен отаршылдыққа қарсы, халықтық-азаттық көтерілісті ұйымдастырушылар мен идеологтардың бірі - Махамбет Өтемісұлының 220 жылдығына арналған дөңгелек үстел өткізілді. Іс-шара барысында ақынның өмірбаяны мен шығармашылығы туралы нақты ақпарат көздерінен мәлімет берілді. М. Өтемісұлының идеологиясы оның халық көсемдерінің бостандығын, әділдігін, батырлығын жырлаған шығармаларының негізінде құрылды.
Іс-шарада оқушылар ақынның бірнеше өлеңін оқыды. Дөңгелек үстел өте қызықты және мазмұнды өтті. Ақынның өмірі мен шығармашылығына арналған викториналық сұрақтар қойылды.
Іс-шараға ақынның кітаптарымен таныстыру мақсатында кітап көрмесі ұйымдастырылды. Іс-шарадан кейін қатысушылар оқу үшін ақынның кітаптарын үлкен қызығушылықпен үйге алды.