2023 жылғы 4 мамырда Д.Әбілев атындағы бұқаралық кітапханада Ұлы Отан соғысы Жеңісінің 78 жылдығына орай №24 мектеп оқушыларының қатысуымен «Уақыт және естелік» атты іс-шара өтті. Іс-шараның мақсаты: жастарға патриоттық тәрбие беру, тарих пәні бойынша білімдерін кеңейту. Кітапхана қызметкерлері оқушыларға Ұлы Отан соғысындағы халқымыздың ерлігі туралы айтып берді. Балалар қаламыздың көшелеріне есімдері берілген 10-ға жуық жерлесіміз – соғыс батырларымен танысты. Оқушылар Жеңіс күніне арналған өлеңдер оқыды. Сондай-ақ, балалар жерлестерінің есімдері жазылған «Бейбітшілік» сөзіне сөзжұмбақ шешіп, бейбітшілік символы көгершіннің макетін жасады. Шара соңында қатысушылар «Ақ көгершін» әнін айтты.