«Павлодар қаласының №24 жалпы орта білім беру мектебі» КММ-де «Ел тарихындағы Қазақстан халқы Ассамблеясы» тақырыбында диалог алаңы өтті. Бұл шара жалпыұлттық бірлікті қалыптастырудағы және Қазақстанның мәдени мұрасын сақтаудағы Ассамблеяның рөлі мен маңызын талқылаудағы маңызды қадам болды.
Шара ҚГБ апталығы шеңберінде өтті.
Кездесудің басты спикері «Эльпида» грек этномәдени орталығы» ҚБ төрағасы Людмила Петровна Ифандопуло. Ол өз сөзінде Қазақстан халқы Ассамблеясының қызметі туралы айтып, оның ұлтаралық келісімді нығайтуға қосқан үлесіне тоқталды. Сонымен қатар мәдени әртүрлілік мәселелері, этномәдени бірлестіктердің қазіргі қоғамдағы рөлі туралы сөз қозғалды.
Диалогтік алаңға мектептің 11 «Б» сынып оқушылары мен «Марғұлан университет» КЕАҚ тарих факультетінің студенттері қатысты. Шара барысында мектеп оқушылары мен студенттер белсенді түрде сұрақтар қойып, ұлттық бірегейлік, Қазақстандағы этномәдени бірлестіктердің тарихы мен дамуы тақырыптарын талқылады. Диалог форматы қатысушыларға жаңа білім алуға, пікір алмасуға және этносаралық өзара іс-қимылдың маңыздылығын түсінуді тереңдетуге мүмкіндік берді.
Осындай іс-шаралар жастар арасында Қазақстан этностарының тарихы мен мәдениетіне деген құрметті тәрбиелеуге, сондай-ақ толеранттылық пен азаматтық жауапкершілікті қалыптастыруға ықпал етеді. «Павлодар қаласының № 24 жалпы орта білім берун мектебі» КММ осы бағыттағы жұмысты жалғастырып, патриотизм мен ұлтаралық келісімді дамытуға бағытталған кездесулер, дәрістер, пікірталастар ұйымдастырып келеді.