Дана жұртымыз «Бірлік бар жерде — тірлік бар» дегендей- ауызбірлік пен түсіністік, қарапайым сыйластық үстемдік құрған жерлерге қашанда нәтижелі істердің үйір болатыны белгілі. Біздің елімізде қалыптасқан ұлттар тұтастығы мен халықтар достығының арқасында бүгінде мемлекетіміз өркендеп, ілгері басып келеді.

        Елбасы өзінің "Төртінші өнеркәсіптік революция жағдайындағы дамудың жаңа мүмкіндіктері" жолдауында әлемнің төртінші өнеркәсіптік революция дәуіріне, технологиялық, экономикалық және әлеуметтік салалардағы терең және қарқынды өзгерістер кезеңіне қадам басып келе жатқандығын, жаңа технологиялық қалыптың, яғни біздің қалай жұмыс істейтінімізді, азаматтық құқықтарымызды қалай іске асыратынымызды, балаларымызды қалай тәрбиелейтінімізді түбегейлі өзгертуді көздейді. Сондай- ақ Елбасы өзінің жолдауында біз әлем елдерінің сенімі мен құрметіне бөленіп, брендке айналған тәуелсіз Қазақстанды құрғанымызды атады. 2017 жылы біздің ел БҰҰ Қауіпсіздік Кеңесінің тұрақты емес мүшесі болды. Біз дүниежүзілік ЭКСПО мамандандырылған көрмесін өткізу үшін әлемдік қоғамдастық таңдап алған ТМД және Шығыс Еуропа елдері арасындағы бірінші мемлекет болып, елімізде табысты жұмыс істеп келе жатқан нарықтық экономика моделі екендігін атады.

         Қазақстан – жас, көп ұлтты, болашағына сенімді және қарқынды дамып келе жатқан мемлекет! Тәуелсіздікпен бірге діліміз бен дініміз, рухымыз, дәстүріміз бен мәдениетіміз ,ең бастысы – көп ұлт мекен еткен қазақ жерінің киелі топырағы, қойнауындағы қазынасы құндылығын айқара ашқан тәуелсіз бірлігі жарасқан елміз. Елбасы: «Бүгінде этникалық, нәсілдік бөлініске ұшырап, тілдік, діни белгілер бойынша ашық қарсылыққа келіп, жанжалдасып жатқан мемлекеттерді әлемнің әр аймақтарынан көптеп мысал етуге болады. Осыған байланысты Қазақстан тұрақтылығы үшін зорлық- зомбылыққа, этносаралық және конфессияаралық арандатушылыққа, лаңкестікке жол бермеу маңызды фактор болып табылады. Тәуелсіз мемлекетіміз өзінің ұлттық саясатын әрі қарай да жалғастыра беруге, этносаралық қарым-қатынастар жүйесін жетілдіре беруге тиіс.» -деп елді бірлікке, достыққа шақырады. Сондықтан менің жас маман ретінде өзімнің мектебімде бұл жолдау қызу талқыға салынды. Атап айтсам өзімді толғандырған сұрау- осы мектебімдегі әр ұлт өкілдерінен тұратын 1600 оқушының бірлігін, достығын қалыптастып келе жатыр. Қазіргі таңда жас буында оқуға, тоқуға деген ынтасын қалыптастыру, әсіресе оқушыларға патриоттық тәрбие беруде. Бұл оқу ордасының алдына қойған мақсат - міндеттерінің бірі – нәсіліне, ұлтына, тіліне, дінге қатысына, қандай әлеуметтік топқа жататындығына қарамастан мектеп оқушыларының құқықтары мен бостандықтарының теңдігін, достығын сақтау , бұл міндеттер табысты түрде іске асып келеді. Киелі білім ордасында – білім шаңырағындағы әрбір этникалық топтың өз ұлттық-мәдениеті қалыптасқан. Бұл мәселені Елбасының «Еліміздегі этностардың арасындағы келісім – қоғамдық лидерлердің, саяси партиялардың, қоғамдық бірлестіктердің, оқу - орындардың көпжылдық еңбегінің жемісі болып табылады»-деп шегелеп атап айтқан. Сондықтан болар басшымыз Нұргүл Шампатқызы ең бастысы осы мәселеге ас ден қойып, көңіл бөлуде. Атап айтсам мектебімізде патриоттық «Болашақ-жастар қолында» атты дәстүрлі форумы жылда өтікізіледі. Әр оқушыны өз баласынан кем көрмейтін мектеп басшысы оқушыларды осындай деңгейдегі іс-шаралар арқылы рухани жаңғыртып, әрі алып кететін ер, көзсіз батыр, тап-таза ар - намыстан жаралған қайтпас-қайсар, елін басқарып, қос батырдың ісін істей алатындай ерекше тұлғаны тәрбиелеуде..

           Жалпы айтқанда, Тәуелсіз мемлекетіміздегі киелі білім ордамның, өзінің ұлттық саясатын әрі қарай да жалғастыра беруге, этносаралық қарым-қатынастар жүйесін жетілдіріп келе жатқанына қуанышым шексіз! Ең бастысы, ұлтаралық татулық арасында бүгінде ел тыныш, жұрт аман. Осы бетегеміз бұзылмағай. Қазақстанда тұратын барша ұлт арасындағы айнымас достыққа сызат түспесе екен, қазіргі таңдағы бейбіт тірлігіміз ұзағынан болсын деп тілеймін.

«Павлодар қаласы №24 жалпы орта білім беру мектебі» ММ , тарих пәнінің жас маманы Маденова А.Ғ.