"Балаларға жылу сыйла" республикалық акциясы аясында № 36 ЭБЖОБББМ 29 қазанда Қамқоршы күні өткізілді. Мектеп директоры Ахмадова Зауреш Дауленовна ата-анасының қамқорысыз қалған балалардың тағдырына үлкен жауапкершілікті өз мойнына алғандары үшін, оларға жылу, қамқорлық, зейін және махаббат, өз жүректерінің бір бөлігін сыйлағандары үшін үлкен алғыс айтты. Сондай-ақ, ата-анасының қамқорысыз қалған балаларға көмек көрсету үшін мектеп өзінің қолынан келетіннің барлығын жасайтындын айтты. Қонақтарға алғыс хаттар берілді. Мектеп оқушылары концерттік нөмірлерімен шықты. Әкімшілік және сынып жетекшілер қамқоршыларға ақшалай сыйлықтар табыстады. Қамқоршылар үшін кеңес беру алаңдары жұмыс істеді: әлеуметті, құқықтық, психологиялық, мұнда олар өздерін қызықтыратын сауалдарға жауап алды.