Еліміздегі ең дарынды оқушылар Ертіс-Баян өңірінде білім алады! Қызылорда қаласында 2019 жылғы 25-30 наурыз аралығында өткізілген қоғамдық-гуманитарлық бағыттағы пәндер бойынша республикалық олимпиадасына 641 оқушы қатысты.Облыстық олимпиаданың 36 жеңімпазы мен жүлдегерлерінен құралған Павлодар облысының командасы байқауда зор нәтижеге қол жеткізді. Жарыс қорытындысы бойынша павлодарлық оқушылар 26 медаль оның ішінде 8 алтын, 6 күміс, 12 қола иеленді,. «Дарын» республикалық ғылыми-практикалық орталығының грамоталарымен 1 оқушы марапатталды. Облыс командасы І орынға ие болып, «Ең үздік олимпиадалық команда – 2019» номинациясына ие болды. «Абсолюттік жеңімпаз - 2019» атағын қоғамдық гуманитарлық бағыттағы пәндер бойынша республикалық олимпиаданың қорытындысында көрсеткен үздік нәтижесі үшін Павлодар қаласы №16 лицей-мектебінің 10 сынып оқушысы Мельник София иеленді. Жеңіске қол жеткізген оқушыларымыз: I орын иегерлері – Ы.Алтынсарин ат. дарынды балаларға арналған облыстық қазақ гимназия-интернатының 10, 11 сынып оқушылары Жомарт Ақтоты (қазақ тілі мен әдебиеті, мұғалімі Окпина Б), Наурызбай Гүлмәркен (Қазақстан тарихы, мұғалімі Мұхтар Д.Б.); облыстық көп салалы дарынды балаларға арналған лицей-интернатының 10 сынып оқушылары Митрошина Алина (орыс тілі мен әдебиеті, мұғалімі Сурмий Т.М.), Арынова Дильшат (қазақ тілінде оқытатын мектептердегі орыс тілі, мұғалімі Рахимжанова А.С.); «Жас дарын» мамандандырылған мектебінің 10 сынып оқушысы Билялова Меруерт ( қазақ тілінде оқытатын мектептердегі орыс тілі, мұғалімі Куставлетова А. Б.); дарынды қыз балаларға арналған «БІЛІМ-ИННОВАЦИЯ» лицей-интернатының 10 сынып оқушысы Разиева Сурайе (орыс тілінде оқытатын мектептердегі қазақ тілі, мұғалімі Уахиева Ж.К.); Павлодар қ. №16 лицей-мектебінің 10 сынып оқушысы Мельник София (орыс тілі мен әдебиеті, Казкенова Г. Е.); Павлодар қ. №42 орта мектебінің 11 сынып оқушысы Флюг Елена (құқық негіздері, мұғалімі Купесова А.Б.).