Қараша айының 11-12 күндері Өскемен қаласында алғаш рет балалар мен жасөспірімдер арасында республикалық «Жас толқын» ән-байқауы өтті. Аталмыш байқауда бас әділқазы-Қазақстан республикасының еңбек сіңірген артисі «Құрмет», «Парасат»ордендерінің иегері әнші,продюссер –Майра Ілиясова болды.
Байқауда өз жасының аралығында эстрадалық вокал номинациясында Павлодар қаласы № 38 мектебінің 5 сынып оқушысы Хавалхаг Ғазиз -- бас жүлде иегері атанды. Ғазиз Үкілі Ыбырайдың «Гәкку» әнін орындап ,әділқазылар оның орындаушылық қабілетіне жоғары баға берді.Өскелең ұрпақты өнер шыңына жетелеудегі зор біліктілігі үшін музыкалық жетекші Ибраева Айгүл Әділхан қызы «Шебер ұстаз» сертификатымен және Алғыс хатпен марапатталды. Сонымен қатар мектеп директоры Әбілғазинов Мұхаммед Наскенович және Ғазиздің ата-анасы Хавалхаг Сержан мен Хуанган Құттыгүл Алғыс хаттармен марапатталды.
Жас толқын