Жаңа жыл — ғажайып және таңғаларлық мейірімге толы мереке! Бұны балалар да, үлкендер де біледі. Сол себепті ертеңгілікке келген қонақтардың көздерінен нұр шашып, қуанышқа бөленіп масаттанды. 29 желтоқсанда қызметкерлердің балаларына арналған көптен күткен жаңа жылдық көңілді мереке өтті. Балабақшаның қызметкерлері мерекені ұмытылмастай етіп өткізуге тырысты. Балаларға қонаққа Аяз Ата, Ақшақар, Мыстан Кемпір және т.б. ертегі кейіпкерлері келді. Әрине, жаңа жылдық мерекеде ең белсенді қатысушылар балалар болды. Олар ән айтты, тақпақтар айтты, думандатып мерекелеп, көңілді ойындарға қатысты. Аяз Ата барлығын келе жатқан жаңа жыл мерекесімен құттықтап, мықты денсаулық, бақытты өмір тілеп, тәтті сыйлықтар сыйлады!