2018 жылдың 20 маусымы күні Павлодар облыстық көркемсурет музейінде республикалық «Өнер шыңы» жоба шеңберінде жүргізіліп отырған авторлық қуыршақтар көрмесі ашылды. Балабақша тәрбиеленушілері «Қуыршақтар» хореографиялық қойылыммен салтаннаты ашылуына қатысты.

Қуыршақ - сәндік-қолданбалы өнер тарихындағы аз зерттелген таңғажайып феномен. Қуыршақ – мінажаттық қасиеті бар ойыншық, әшекей ме, әлде зат па? Шынымен, қуыршақтарда өз әлемі бар ма? Әлеуметті бейнелейтін адамдар әлемінен қарама-қарсы өмір сүре ала ма? Бұл сұрақтардың жауабын авторлық қуыршақтар көрмесінен табуға болады. Көрменің идеясы мен мағынасы – қуыршақтар тақырыбында бар обьектілердің сан алуандылығын көрсету: өткен күндер, болашаққа деген көзқарас, ұлттық интерпритациялар, авторлық ізденістер, дәстүрлі образдар мен сенімді эксперименттер.