Сенім телефоны
+7 (7182)78-70-44
email: sosh19@goo.edu.kz
Мекенжайы: 140000, Камзин көшесі, 62/2
+7 (7182) 61‒52‒23
Білім бөлімінің басты бетіне қайту
Азаматтарды жеке қабылдау кестесі:
Дүйсенбі - сағ. 16.00-18.00 Жұма - сағ. 16.00-18.00
Отзывы о школьном питании
Голосовать
Отзывы о школьном питании - 0
Всего проголосовало: 0
Смотреть результат
За год
За месяц
За неделю
Вчера
1 сыныпты қабылдайтын ұстаздар туралы

             Ұстаз портфолиясы

Ұстаз – ұлы есім.

            Мұғалім болу үлкен біліктілік пен жауапкершілікті, мейірімділік пен тиянақтылықты қажет ететін мамандықтардың бірі. Мұғалім болу оңай болып көрінгенімен, бірақ нағыз ұстаз болу екінің бірінен келе бермейтіні анық. Шәкірттерін білім нәрімен сусындатып, тәлім-тәрбие беруде, ертеңгі күні қоғамда салиқалы азамат болуына бағыт-бағдар беруде ұстаздың еңбегі зор.

Ұстазы жақсының ұстамы жақсы демекші, біздің балалар жақсы ұстаздан білім алуда. Осы орайда №19 жалпы білім беру мектебінің 4 «Ә» сыныбының сынып жетекшісі - Нұрбике Тұрғанбайқызы Шаханова жайлы еркеше ілтипатпен айтуға болады. Ұстазымыз бастауыш мектеп мұғалімінің тізгінін 19 жыл бойы абыроймен ұстап келеді. Нұрбике Тұрғанбайқызы өз ісіне берілген, шәкірттерінің бойына нұр құя білетін жан. Ол – Лебяжі ауданының тумасы.  2001 жылы С.Торайғыров атындағы ПМУ-ді бітіріп, жоғары білімді жас маман ұстаздық еңбек жолын бастауыш сынып мұғалімі болып бастайды. «Ұстаздық еткен жалықпас, үйретуден балаға» - деп Абай атамыз айтқандай, ұстаз еңбегінің қыр-сыры мол, қиын да жауапты, шығармашылық еңбек екендігін баршамыз мойындаймыз. Нұрбике Тұрғанбайқызының осы күнге дейін сабақ беруден тыс, маман ретінде өз білім-біліктілігін зерделейтін жетістіктері де аз емес. Атап өтсек: мұғалімдердің Х облыстық пәндер олимпиадасында бастауыш сынып бойынша ІІ дәрежелі дипломдарымен марапатталып, бастауыш сынып мұғалімдері арасында өткен Республикалық Ұлттық Интернет Олимпиадасының ІІІ орын жүлдегері атанды. Сонымен қатар, «Деңгейлік бағдарламасы негізінде құрылған сабақ жоспарлары жинағы» атты дидақтикалық материал дайындағаны үшін және басқа да ғылыми, Халықаралық конференциялардың жинақтарында мақалалары жарияланғаны үшін сертификаттармен марапатталған. Бұл біріншіден, ұстаздың жан-жақты білімінің болуының, екіншіден, мұғалімнің өз мамандығына деген шынайы сүйіспеншілігі мен бойындағы шығармашылық қабілетінің жоғары екенінің  дәлелі деп білеміз. Шәкірттер ұстазынан тек қана білім ғана алмай, сонымен қатар тәлім-тәрбие де алады. Мектеп – балалардың екінші үйі болса, ал ұстаздар олардың екінші анасындай деп айтсақ та болады. Ұстаздың алдына келетін балалар – біреудің маңдай алды жарығы, бірі – ерке не кенжесі, бірі – қой аузынан шөп алмас момыны. Сол маңдай алды жарығын жарқыратып, еркесінің бабын тауып, момынын өзін ортада еркін ұстайтындай тұлға етіп тәрбиелеу үшін үлкен шыдамдылық пен қажымас қайрат қажет. Алайда Нұрбике Тұрғанбайқызы 1 сыныптан бастап балаларымыздың тілін тауып, сапалы білім берумен қатар жақсы тәрбие беруде. Бүгінде ұстазымыздың жетекшілігімен келе жатқан 4 «ә» сынып оқушыларының жетістіктері жетерлік. Олар: Ардагелдіқызы Ақжан «Лидер.kz» Халықаралық интеллектуалды білім орталығының ұйымдастыруымен өткен «Менің тұңғыш Президентім» атты оқушыларға арналған Республикалық байқауында І орынды, Құдайбердынова Айым бастауыш сынып оқушыларының зерттеу жұмыстары мен шығармашылық жобаларының қалалық конкурсында ІII орынды иеленсе; Қазақ тілі пәні бойынша Республикалық қашықтық олимпиадасында ІІ дәрежелі дипломымен Ақжан Ардагелдіқызы, Айсана Нұралы, Олжас Орынтай, Мансұр Саттар, Ділназ Сағандық, Гүлдария Заркенова, Даниал Байғалы марапатталды. Шәкірттерін білім нәрімен сусындатып, тәлім-тәрбие беру, жақсы қасиеттерді бойларына дарытып, адамгершілік рухта бағыт-бағдар беруде Нұрбике Тұрғанбайқызының еңбегі зор. Адамның адам болып қалыптасуына ата-аналармен қатар, мұғалімнің де рөлі айрықша. Демек, оқушылар тек қана білім додаларында ғана емес, сондай-ақ түрлі спорт және тағы да басқа үйірмелерінде жетістіктерімен ерекшеленген. Мысалы, Алина Сүлейменова көркем гимнастикасынан І орынды, Гүлдария Заркенова мен Мәлікә Найман Республикалық «Би бала» балалар би байқауында І орынды, Сапарғали Алияна тоғызқұмалақ бойынша ашық қалалық турнирде І орынды, иеленді. Сондай-ақ, «Арт-Созвездие» халықаралық фестивалінде 4 «Ә» сыныбының домбырашылар тобы І дәрежелі дипломға қол жеткізді. Бұл – оқушылардың жан-жақты екендігінің айқын көрінісі. Қиындығы да, қызығы да мол, ең бастысы – жауапкершілігі жоғары мамандықтың бірі ұстаздық ету болып табылады. Сол жолда тынбай еңбек етіп жүрген сынып жетекшіміз – Нұрбике Тұрғанбайқызына алғысымыз шексіз. Биыл 4 «ә» сыныбының оқушылары бастауыш мектебін бітіргелі отыр. Мектеп табалдырығын енді аттаған қаршадай бөбектерден төрт жылдың ішінде сауатты да жан-жақты оқушыларды тәрбиелей білген сынып жетекшімізге ризашылығымызды білдіреміз. Деніңізге саулық, отбасыңызға амандық, еңбегіңіз әрқашан да елене берсін. Сонымен қатар биылғы жылы  Нұрбике Тұрғанбаевна тағы да 1-сынып алғалы отыр. Болашақ шәкірттеріңіз де биктен көріне беруіне тілектеспіз.

 

Жансауле Мухышева,

№19 жалпы білім беру мектебінің 4 «Ә»

 сынып оқушыларының ата-аналары.

 

Ұстаз портфолиясы

Ұстаз – ұлы тұлға

Ұстаз –ұлағатты ұғым. Ұстаз... Теңдесі жоқ қасиетті сөз. Біле білгенге «ұстаз» ұғымының мағынасы мұхиттан терең, тау шыңынан биік. Халқымызда «ұстаз алдын көрген» деген тамаша сөз бар. Ұстаздан білім алып,  ұстаздан тәлім-тәрбие алған адамның әрқашан өмірге көзқарасы өзгеше, мақсат-міндеті айқын болатыны сөзсіз. Әр баланың жүрегіне ерекше жылулық сезімін қалыптастырып, білім нәрін себетін тамаша ұстаздарымыз қоғамымызда жетіп артылады. Осындай ұстаздарымыздың бірі Павлодар қаласы №19 жалпы орта білім беру мектебінің бастауыш сынып мұғалімі – Қамажай Шайкенқызы Сулеймен. 

Қамажай Шайкенқызы – ұзақ жылдар бойы ұстаздықтың ұлы жолында аянбай еңбек етіп, талай шәкіртке қалам ұстатып, қара танытқан, әр оқушының жүрегіне жол таба білген ұлағатты ұстаз. Кез келген адам ұстаз бола алмайды. Себебі, ұстаздық өнер – тағылымы терең өнер. Шын ұстаз болу үшін табиғи дарын мен тынымсыз еңбек, сабырлылық пен төзім қажет. Мұндай тамаша қасиеттерді бүгінде бауыр еті балаларымыздың мектеп қабырғасында сапалы білім алып, тәлім мен тәрбиені бойларына дарытып, әрқашан қамқорлық танытып жүрген Қамажай Шайкенқызының бойынан анық көруге болады. Бұдан да басқа ұстазымыздың бойында бір басына жетіп артылатын атақ-дәрежелері ұшан теңіз. Атап айтсақ, Павлодар қалалық маслихат құрмет грамотасының, қалалық білім бөлімі құрмет грамотасының иегері, Желтоқсан оқиғасының белсендісі, оқу үрдісін жаңа жүйеде ұйымдастыру бағытындағы әдістемелік құралдар мен бағдарлама авторы. «Ұстаздан шәкірт озады» дегендей Қамажай Шайкенқызының алдынан білім алып отырған оқушылар да жүзден жүйрік, мыңнан тұлпар десе болады. «Алтын асық» сайысынан ІІ орын Дауытова Аяжан, «Пони» халықаралық сайысынан Сұраған Нұртілек, «Менталды арифметика» жарысынан Смагулова Шынар ІІІ орын, «Кенгуру» сайысынан Жоламанов А, Дильдабекова А, Калиева С, Марат Рамазан ІІІ дәрежелі диплоп иеленгендерін ерекше айтуға болады. Сонымен қатар республикалық «Озық мектеп», «Маман», «Ұлағатты ұстаз» атты газет-жураналдарда мақалалары жарық көріп, шығармашылықпен айналысып жүрген ізденімпаз ұстаздардың бірі.

Нағыз ұстаз болу – бақыт әрі абырой. Қиыншылығы мен рахаты, бейнеті мен зейнеті қатар жүретін бұл мамандықтың тамыры тереңде. «Адамның адамшылығы жақсы ұстаздан болады» демекші ұл-қыздарымызға екінші анасындай қамқорлық жасап, білім беріп, өмірдің алғашқы баспалдағын басуға тірек болып жүрген Қамажай Шайкенқызына ата-аналар тарапынан айтар алғысымыз шексіз. Қаламыздың осындай қара шаңырақ ордасында білімді де білікті ұстаздан білім алып жатқан балаларымыз үшін шын жүректен қуаныштымыз. Биылғы жыл 1-сынып алғалы отырған Қамажай мұғалімге де, мектеп табалдырығын аттағы отырған бүлдіршіндеріміздің қадамына да сәттілік, ақ жол тілейміз. Әрқашан жанымыздағы жақсы адамдардың қадіріне жетіп, бағалай білейік дегім келеді.

4 «В» сынып оқушыларының ата-аналары атынан

    

Ұстаз портфолиясы

Павлодар облысы, Атоғай ауданы,

«Ақтоғай ауданының жалпы орта білім беру Приреченск орта мектебі» ММ

бастауыш сынып мұғалімі

Молдатай Айгүл  Нұрланқызы 

Туған жылы: 27.02.1993ж.

Білімі: орта

    2012 жыл Б.Ахметов атындағы Павлодар педагогикалық колледжі(жоғарғы оқу орнында оқудамын), бастауыш мұғалімі ретінде

Мамандығы бойынша еңбек өтілі: 3жыл