Ұлттық мереке қарсаңында Ы.Алтынсарин атындағы ҰБА «Қазақстан Республикасында үштілді білім беруді дамытудың концептуалдық негізі» жобасы шеңберінде «Ұлыстың Ұлы күні – әз Наурыз!» атты Тілдер апталығы негізінде қазақ тілі мен әдебиеті пәнінің мұғалімдері Г.І.Алпысбай, З.Б.Жумабекова, А.Б.Шарипова бастауыш сынып оқушыларының арасында «Кел, асық ойнайық!» ойын сабағын өткізді.

Қазақтың ұлттық ойындарының бірі – асық ойыны. Бұл ойын баланың жастайынан ой-қабілетін шыңдап, дәлдікке, ептілікке, ширақтылыққа, сыйлыстыққа тәрбиелеген. Оқушыларымызды ұстамдылық пен алғырлыққа баулу мақсатында асық ойынының басты ережелерімен таныстырып, қызықты да тартысты ойын өткізілді.

Асық ойынының қыр-сырын үйреткен мектебіміздің ұстазы Г.І.Алпысбай бүгінде бес асықтан спорт шеберіне үміткер, талай спорт додаларында топ жарып, тіпті төрешілік етіп те жүр. Сабақ барысында оқушылар асық ойыны, оның түрлері, ұстау әдісі, ойындардың ережелері туралы түсіндірілді. Нәтижесінде білім алушылар асық түрлерін ажырата білуді үйренді, асық ойындарын еске сақтап, оларды ойнау тәсілін біліп алды. Ойын сабағы оқушылардың көңілінен шықты, барлығы жақсы көңіл-күймен тарқасты.