Жартылай финалға Кенжекөл орта мектебінің, № 40 мектептің, № 33 мектептің және Жетекші орта мектебінің командалары өтті. Жартылай финалда Кенжекөл мен Жетекші командалары - 9:1 , №40 мектеп пен №33 мектеп командалары - 5:4 есебін көрсетті.

3-ші орын үшін №33 мектеп пен Жетекші орта мектебінің командалары ойнап -2:2 есебімен тең түсті. Пенальти ойнап - 3:2 есебімен 3-ші орынға № 33 мектеп командасы ие болды.

Финалда бірінші орын үшін командалар табандылықпен күресті. Кенжекөл орта мектебінің командасы №40 мектеп командасын - 4:3 есебімен жеңіп, қанжығаларына 1-ші орынды байлады. Ал екінші орынға № 40 мектеп командасы ие болды.

Кенжекөл командасының ойыншысы – Жасуланов Алибек турнирдің үздік голкипкері атанды. Осы команданың ойыншысы – Искаков Рахат үздік шабуылшы атанды. Ойын тартысты да тартымды өтті.

Турнирдің жүлделі командаларына естелік сыйлықтар табыс етілді. Үздік деп танылған ойыншыларға да естелік сыйлықтар тапсырылды.