Ұлттық бірыңғай тестілеуді

ұйымдастыружәнеөткізу жөніндегі

нұсқаулықты және негізгі нысандарын

бекіту туралы

Ұлттық бірыңғай тестілеуді ұйымдастыру және өткізу мақсатында БҰЙЫРАМЫН:

1. Қоса беріліп отырған:

1) Ұлттық бірыңғай тестілеуді ұйымдастыру және өткізу жөніндегі нұсқаулық (бұдан әрі – нұсқаулық);

2) ұлттық бірыңғай тестілеуді ұйымдастыру және өткізу жөніндегі негізгі нысандары (бұдан әрі – нысандар) бекітілсін.

2. Ұлттық тестілеу орталығы (Қ.С. Әбдиев):

1) ұлттық бірыңғай тестілеудің нұсқаулығын және нысандарын жоғары оқу орындарының және облыстардың, Астана, Алматы қалаларының білім басқармаларының назарына жеткізсін;

ұлттық бірыңғай тестілеудің нұсқаулығының және нысандарының орындалуын қамтамасыз етсін.

3. Білім және ғылым саласындағы бақылау комитеті (М.Ә. Бектемесов):

1) осы бұйрықтың белгіленген тәртіппен Қазақстан Республикасы Әділет министрлігінде мемлекеттік тіркелуін қамтамасыз етсін;

2) мемлекеттік тіркеуден өткеннен кейін осы бұйрықты бұқаралық ақпарат құралдарында жарияласын.

4. Осы бұйрықтың орындалуын бақылау вице-министр С.Ә. Ырсалиевке жүктелсін.

5. Осы бұйрық алғаш рет ресми жарияланғаннан кейін он күнтізбелік күн өткен соң қолданысқа енгізіледі.