Облыстық ақпараттық технологиялар орталығы білім беру үдерісінде интерактивті жабдықты қолданатын педагогтердің кәсіби шеберлігін қолдау және арттыру, талантты және белсенді мұғалімдердің педагогикалық тәжірибесін насихаттау және тарату және оларды көтермелеу мақсатында 2021 жылғы 1 ақпан мен 26 мамыр аралығында «Үздік интерактивті сабақ» педагогикалық идеялардың интернет-фестивалін өткізді. Фестиваль «Жаратылыстану-математикалық пәндер», «Қоғамдық-гуманитарлық пәндер», «Бейіндік оқыту», «Бастауыш оқыту», «Сыныптан тыс оқыту», «Мектепке дейінгі оқыту» бағыттары бойынша өтті.

Фестивальға қатысу үшін оқу-тәрбие үдерісіне ақпараттық-коммуникациялық технологияларды енгізетін облыс педагогтарымен 64 өтінім берді.

Фестиваль талаптарына сәйкес 30 үздік жұмыс таңдалды, олар 17 - 24 мамырда ақпараттық технологиялар орталығының сайтында түсініктеме беру үшін жарияланды. Пікірлер фестивальді қорытындылау кезінде ескерілді.

Фестиваль қорытындысы бойынша Павлодар қаласының № 9 гимназия-мектебінің ағылшын тілі мұғалімі Шадрина Ольга Николаевна «Бастауыш білім беру» бағытында I орын алды. Ольга Николаевна мектепте 4 жыл жұмыс істейді, мұғалім-сарапшы. Ол мектеп командасының құрамында «Педагогикалық ринг» қалалық байқауында II орын алды (2017 жыл). Оның оқушылары халықаралық қашықтық олимпиадаларда жүлделі орындарға ие болса, 2020 жылы қалалық олимпиадада 6-сынып оқушысы Амангелді Әли ІІІ орынға ие болды.