Өңірде балалар мен жасөспірімдер туризмін дамыту және жандандыру үшін педагогикалық жағдайларды қамтамасыз ету мақсатында ZOOM платформасында онлайн тәртібінде «Туристік-өлкетану қызметінде оқытудың заманауи тәсілдері» атты облыстық семинар өткізілді. Семинарды Павлодар қаласы білім беру бөлімінің Балалар-жасөспірімдер экология және туризм орталығы мен облыстық білім басқармасының Аймақтық оқу-тәжірибелік дене шынықтыру орталығымен бірлесіп ұйымдастырды. 35-тен астам дене шынықтыру мұғалімдері, мектеп туризмінің нұсқаушылары, туристік-өлкетану қызметімен айналысатын жалпы білім беретін мектептер мен облыстың қосымша білім беру мекемелерінің үйірмелерінің, клубтарының, секцияларының басшылары қатысты.
Семинар бағдарламасы аясында экология және туризм орталығының «Қасиетті орынға туристік-өлкетану бағытын әзірлеу: Рухани ағартушы Ғабдылуахит Хазрет кесенесі», «Туристік іс-шараларды ұйымдастыру кезінде балалар жарақатының алдын алу шаралары. Гигиена және денсаулықты сақтау ережелері», «Күрделілігі II санаттағы жорықтарда туристік дағдыларды дамыту ерекшеліктері», «А»-дан «Я»-ға дейін санатында жорыққа дайындық», «Тандем: педагог-ата-аналар», «Тәрбиеленушілерді туристік-өлкетану қызметі арқылы психологиялық бейімдеу», «Туризм арқылы жеке тұлғаны қалыптастыру».
Семинар қорытындысы бойынша қатысушыларға әдістемелік ұсынымдар, жұмыста одан әрі пайдалану үшін материалдар берілді.