Қала мұғалімдері үшін ағымдағы оқу жылының ерекшелігі оқушылардың білімдеріндегі олқылықтардың орнын толтыру бойынша жұмыс болды, өйткені өткен оқу жылында қашықтықтан оқыту жағдайында оқушыларға барлық оқу пәндері бойынша бағдарламалық материалды толық меңгеруге мүмкіндік болмады. Тәжірибе алмасу, білім алушылардың білімдеріндегі олқылықтардың орнын толтыру бойынша оқушылармен жұмыстың жаңа белсенді түрлерін іздеу мақсатында Павлодар қаласы білім беру бөлімінің әдістемелік кабинеті 2021 жылғы 2 қарашада 18 секцияда 2000-нан астам мұғалімнің қатысуымен онлайн режимінде семинар ұйымдастырды. Оның ішінде № 1, 2, 4, 7, 14, 16, 18, 19, 21, 22, 24, 30, 35, 39, 40, 41, 43 мектептердің 60 мұғалімі өз жұмыс тәжірибелерімен бөлісті.
Бастауыш сынып мұғалімдерінің секциясында №21 жалпы орта білім беретін мектептің бастауыш сынып мұғалімдерінің әдістемелік бірлестігі оқушылардың білімдеріндегі олқылықтардың орнын толтыру бойынша жұмыс тәжірибесімен бөлісті. Мұғалімдер математика бойынша түзету жұмыстарын жүргізу кезеңдерін, қателерге талдау жүргізу жүйесін, математика сабақтарында ТРИЗ технологиясын (өнертапқыштық есептерді шешу теориясы) қолдану арқылы математика бойынша оқушылардың білімдеріндегі олқылықтарды жоюды ерекше атап өтті.
№ 14, 24, 35 мектептердің қазақ тілі мен әдебиеті пәнінің мұғалімдері оқушылардың білімдеріндегі олқылықтарды дифференциалды жұмысты жетілдіру, жеке тапсырмаларды жүргізу, күрделі тақырыптарды қайталау арқылы жою жолдарын ұсынды.
Орыс тілі мен әдебиеті секциясында № 39 гимназия сыныптары бар жалпы орта білім беретін мектеп мұғалімдері жинақтаған тәжірибелерімен бөлісті. Диагностикалық бақылауды қалай өткізу керек, оқытудың күрделі тақырыптары мен мақсаттарын бөліп көрсету, сабақты жоспарлауды түзету, өткен және ағымдағы оқу жылының тақырыптарын интеграциялау мақсатында күнтізбелік-тақырыптық жоспарлау, орта және жоғары буын оқушыларының білімін толықтыру бойынша жұмыс жүргізу алгоритмі, қолайлы орта құру – бұл секция жұмысы барысында мұғалімдер талқылаған негізгі мәселелер.
№ 2 жалпы орта білім беретін мектептің ағылшын тілі мұғалімдері А. М. Жукашева және № 18 Т. А. Курилко ақпараттық-коммуникациялық технологияларды және интернет – платформаларды пайдалану арқылы олқылықтардың орнын толтыру бойынша, сондай-ақ оқылған материалды қайталауға, бекітуге, оқушылардың коммуникативтік дағдыларын дамытуға бағытталған оқытудың белсенді әдістерін пайдалану бойынша өз тәжірибелерін ұсынды.
Математика және информатика сабақтарында оқушылардың білім олқылықтарын толтыру бойынша жұмысты ұйымдастырудың табысты тәжірибесінің диссеминациясы секцияда 17 мұғаліммен ұсынылған, олар кешенді диагностикалық жұмысты жүргізу, цифрлық білім беру ресурстарын пайдалану (Onlain Test Pad, Pythontutor) мәселелерін ашты. № 21 жалпы орта білім беретін мектептің математика пәнінің мұғалімі Ореховская Валентина Анатольевна жиынтық ( бақылау) жұмыстарға элементтік талдау жүргізуді көрсетті, сыни ойлау технологиясын қолдану арқылы олқылықтарды жою жолдарын көрсетті.
Жаратылыстану-математикалық бағыттағы пәндер бойынша семинар-практикум бағдарламасында негізгі назар оқушылармен жеке жұмысты құру қағидаттарына, қателермен тұрақты жұмыс жүргізуге, өткен материалды қайталауға және бекітуге арналған тапсырмаларды таңдауға, сабақта өзіндік жұмысты ұйымдастыруда сараланған тәсілді қолдануға, жаратылыстану-математикалық сауаттылықты қалыптастыруға бағытталған неғұрлым ұтымды тапсырмаларды таңдауға аударылды.
Кенжекөл мектебінің № 21, 30 мұғалімдерінің қызықты жұмыс тәжірибесі тарихшылар секциясында ұсынылды. Секция шеңберінде оқушыларды оқыту кезінде пайла болған проблемаларды белсенді айтуға, қорытындылар мен қорытындылауға тарту, тест тапсырмалары, өзіндік жұмыс, жеке тапсырмалар арқылы өткен материалды бекіту және қайталау мәселелері талқыланды.
Семинар-практикум барысында олқылықтарды жою бойынша жұмыс алгоритмі, қалыптастырушы бағалауды пайдалану, олқылықтарды талдау және сабақтардағы қателермен тұрақты жұмыс жүргізу, қызығушылық тудыратын, тұрақты назар қалыптастыратын және өзін-өзі бақылауға дағдыландыратын тапсырмаларды таңдау, сабақта жетістік жағдайын жасау бойынша ұсынымдар берілді.
