«Күз. Балалар. Бақыт!» атты халықаралық хореография шығармашылық  байқау-фестиваліне М. Әуезов атындағы мектептің 2 сынып оқушысы Ефимова Злата және Павлодар қаласының № 34 мектебінің «Вдохновение» би-хореографиялық тобы қатысты. Байқау Павлодар қаласында өтті, ұйымдастырушы «Open Kids» халықаралық шығармашылық жоба орталығы болып табылады.

Злата «HOLI» би тобының құрамында өнер көрсетті. Байқауда топ «Модницы» хореографиялық композициясын орындап, II орын алды. Спорт билері бойынша «HOLI» мектебіне Злата интернеттегі жарнама арқылы келді. 5 жастан бастап бимен айналыса бастады. Жаттықтырушысы Закарадзэ Юлия Алексеевнаның жаттығуларының арқасында 2021 жылы Нұр-Сұлтан қаласында өткен «GULNAR FEST» халықаралық байқау жобасында бірінші рет өнер көрсетіп, I орын алды. Қараша айында Павлодардағы облыстық «Open Kids» байқауында екінші рет өнер көрсетіп, II орын алды. Желтоқсан айында Павлодарда өтетін облыстық байқауға қатысуды жоспарлап отыр. Златаның спорттық билері акробатика, хореография және гимнастика элементтерімен бірге көрсетіледі.

Байқауда № 34 ЖОМ «Вдохновение» би-хореографиялық тобы 3-сынып оқушысы Жағабилова Аянат, 4-сынып оқушылары Чернова Мария, Тілеубаева Алиша, 5-сынып оқушылары Нечталюк Алина, Кинжикова Анеляның құрамында жұмсақтық пен әсемдік элементтері бар ласью үнді биін орындады. Бұл Үнді классикалық хореографиясының ажырамас бөлігі. Топ II дәрежелі дипломмен марапатталды.

Жас «Вдохновение» ұжымы 2019 жылы құрылды, алайда бірнеше рет жүлделі орындарға ие болды. Қатысушылар «Алтын күз - 2020» республикалық байқауының гран-при иегерлері, «Ақшағала» республикалық хореографиялық фестиваль-байқауының облыстық кезеңінің «Бірегей би қойылымы» номинациясының номинанттары.

- Балалардың биге және хореографиялық өнерге деген қызығушылығының арқасында қозғалыстың, қалыптың, сезімнің және жағымды эмоциялардың байсалдылығы мен талғампаздығын дамытуға мүмкіндік бар, - деп есептейді мектеп хореографы, ұжым жетекшісі Әбдіғалимова Адема Сапарқызы.