Павлодар қаласы білім беру бөлімінің әдістемелік кабинеті «Педагогикалық шеберлік орталығы» филиалымен бірлесіп ZOOM платформасы арқылы «Жаңартылған білім беру мазмұны жағдайында оқытудағы сараланған көзқарас» атты вебинарды өткізді. Мақсаты - әдістемелік көмек көрсету, рефлексивті дағдыларды жетілдіру, сараланған тәсіл негізінде сабақты тиімді жоспарлауды қолдану. Тренингке 1 жыл жұмыс істейтін орыс және қазақ тілдерінде оқытатын қаланың жалпы білім беретін мектептерінің 120-дан астам жас мамандары қатысты.

Модераторлар: Нұрахметова Шолпан Саменқызы, әдіскер, Павлодар қаласы білім беру бөлімінің әдістемелік кабинеті «ПроЛС» клубының жетекшісі, Нығметова Бибігүл Жамбылқызы, жаттықтырушы, Әлмағамбетов Қайыржан Сағынтайұлы, «Педагогикалық шеберлік орталығы» филиалының аға менеджері.

Вебинарда бірлескен талқылау кезінде мұғалімдер сараланған оқыту әдістерін анықтауға, саралау түрлері мен әдістерін ажыратуға, оларды сабақта іске асырудың тиімділігін бағалауға үйренді. Тренерлер қатысушылармен саралап оқытудың практикалық пысықтауын ұйымдастырды және оларды практикада тиімді пайдалану бойынша әдістемелік ұсынымдар берді.

Вебинар материалдары электронды-әдістемелік дайджесте орналастырылып, әрі қарай жұмыста пайдалану үшін қала мектептеріне таратылды.