Павлодар қаласының білім беру бөлімінің «Павлодар дарыны» бос уақытты қамту және балалардың дарындылығын дамыту орталығы 2022 жылғы 19 қаңтарда «Жыл тәлімгері - 2022» облыстық конкурсының қалалық кезеңін қашықтықтан өткізді. Байқаудың мақсаты-аға тәлімгерлер еңбегінің беделін арттыру, «Жас Ұлан» балалар қоғамдық қозғалысын дамыту. «ЖасҰлан» бірыңғай балалар мен жасөспірімдер ұйымы өз қызметін елдің жалпы білім беретін мектептерінде шығармашылық, спорттық, қоғамдық, үкіметтік емес ұйымдармен және мемлекеттік мекемелермен тығыз ынтымақтастықта жүзеге асырады. Жасұландықтар үшін басты көмекшілер мен ақылшылары -  тәлімгерлер болып табылады.

Байқауға Павлодар қаласының жалпы білім беретін мектептерінің 9 аға тәлімгерлері қатысты. Олар «Портфолио», «бейне сабақ» турларынан өтуі керек еді.

Конкурс шарты бойынша қатысушылардың кемінде 1 жыл жұмыс өтілі немесе «Үздік жас тәлімгер», «баға жетпес тәжірибе номинациялары бойынша кемінде 2 жыл балалар, жастар қоғамдық бірлестігінің қызметіне қатысу тәжірибесі болуы тиіс.

Байқаудың қалалық кезеңінің қорытындысы бойынша «үздік жас тәлімгер» номинациясы бойынша Б.Момышұлы атындағы мектептің аға тәлімгері Майбас Мөлдір І орынды иеленді. Оның портфолиосында 18 награда және халықаралық деңгей болды. Ол I дәрежелі дипломмен марапатталды, «Достық палитрасы» халықаралық байқауының вокал орындаушыларының лауреті болып табылады.

II орын «Үздік жас тәлімгер» номинациясында № 26 ЖОМ аға тәлімгері, ең жас қатысушылардың бірі Дарина Герштейнге бұйырды. Ол бейне материалда өзінің республикалық және халықаралық деңгейдегі жетістіктерімен бөлісті. Анталияда өтетін халықаралық ХІІІ олимпиаданы дайындауға және өткізуге көмек көрсеткені үшін алғыс хатпен марапатталды (2021 жыл). Ол Қазақстанның спорт шеберіне үміткер, 2019 жылы гандболдан Қазақстан чемпионатында I орын алды.

«Баға жетпес тәжірибе» номинациясында № 34 мектептің тәлімгері Нұрсұлтан Жомартұлы III орынды иеленді. Қазақстан Тәуелсіздігінің 30 жылдығына арналған «Ең үздік репортаж» республикалық байқауына қатысушы сертификаты бар, өз жұмысы туралы үздік бейнелердің бірін ұсынды.

I, II орын алған қатысушылар қаңтар айында байқаудың облыстық кезеңіне қатысады.