Павлодар қаласы білім беру бөлімінің «Павлодар дарыны» бос уақытты  қамту және балалардың дарындылығын дамыту орталығы «Мамандықтар әлемін ашамыз» республикалық форумының қалалық кезеңін қашықтықтан өткізді. Мақсаты - «Болашақ кәсіптер атласы» республикалық жобасына сәйкес мамандық таңдауға шығармашылық көзқарасты қалыптастыру.

Байқауға 4 номинация бойынша қаланың 18 жалпы білім беретін  № 2, 6, 7, 14, 17, 21, 28, 29, 33, 34, 36, 37, 39, 41, 43, К. Мақпалеев атындағы, Кенжекөл ЖОМ, Қ. Бекқожин атындағы мектептерінен  62 оқушы қатысты.

Байқау қорытындысы бойынша 25 оқушы жүлделі орындарға ие болды, оның ішінде І - 4, ІІ - 8 , ІІІ - 13 орын. Олардың барлығы «Павлодар дарыны» орталығының І, ІІ, ІІІ дәрежелі дипломдарымен марапатталды.

«Мұндай мамандық бар» номинациясында І орынды № 21 ЖОМ 6 сынып оқушысы Пастушенко Полина иеленді. Ол мұғалім, дәрігер, бағдарламашы, эколог, құрылысшы - әлеуметтік жүйеде, еңбек нарығында және Қазақстан экономикасында сұранысқа ие мамандықтарды таныстырды.

ІІ орынды № 2, 17 мектеп оқушылары, ІІІ орынды № 14, 21, 41 мектеп оқушылары иеленді.

«Мамандықты таңдау уақыты» номинациясында қатысушылар болашақ мамандықты таңдау тақырыптарын ашуға бағытталған бейне блогтар (бейне әңгіме) ұсынды. І орынды № 2 ЖОМ 10 сынып оқушысы Бейсембина Салима иеленді. Ол бейнероликте мұғалім туралы - өзінің болашақ мамандығының   сюжетін көрсетті. ІІ орынды № 39, 41 мектеп оқушылары, ІІІ орынды № 2, 17, 37 мектеп оқушылары иеленді.

«Менің мамандығым - менің бизнесім» номинациясы бойынша І орынды К. Макпалеев атындағы ЖОМ 10 сынып оқушысы Груша Мария иеленді. Ол ветеринарлық клиниканың бизнес-жоспарын ұсынды. ІІ орынды № 41 ЖОМ оқушысы, ІІІ орынды Қ. Мақпалеев атындағы, № 17, 39 ЖОМ оқушылары иеленді.

«Кеше, бүгін, ертең мамандық» номинациясында қатысушылар әлеуметтік желілер үшін мамандықтар бойынша ойын-сауық бейне-контентін ұсынды. І орынды № 33 ЖОМ 5 сынып оқушысы Касенова Рахиля иеленді. Ол дәрігер мамандығы туралы бейнеролик ұсынды. ІІ орынды Қ. Бекқожин атындағы ЖОМ оқушылары, ІІІ орынды - № 2, 43 ЖОМ оқушылары иеленді. Байқау жеңімпаздары наурыз айында фестивальдің облыстық кезеңіне қатысады.