Павлодар қаласының білім беру бөлімі Павлодар педагогикалық университетінің педагогика жоғары мектебімен бірлесіп жұмыс тәжірибесімен алмасу бойынша «Бастауыш мектепте инклюзивті практиканы ұйымдастыру» атты ашық семинар өткізді. Мақсаты - бастауыш мектепте инклюзивті білім беру бойынша инновациялық әдістермен жұмыс тәжірибесімен алмасу. Семинарға Е. Бөкетов атындағы Қарағанды университетінің «Арнайы педагогика» кафедрасының 100-ден астам ғалымдары мен оқытушылары, Павлодар қаласы білім беру бөлімінің әдіскерлері, мектеп директорларының орынбасарлары, педагог-ассистенттер, қала мектептерінің бастауыш сынып мұғалімдері қатысты.

Семинар жұмысына педагогика жоғары мектебінің өкілдері Нұрмағамбетова Ботагөз Амангелдіқызы, декан, профессор, Мырзатаева Алтынай Қанатқызы, ғылым және интернационалдандыру жөніндегі вице-декан, Жапарова Бағлан Мағауқызы, п.ғ.к., профессор, «Бастауышта оқыту педагогикасы мен әдістемесі» білім беру бағдарламасының жетекшісі қатысты.

«Павлодар қаласының білім беру ұйымдарында ерекше білім беруді қажет ететін балаларды қоғамға интеграциялау және кедергісіз орта құру» тақырыбында - Нұрахметова Шолпан Саменқызы, Павлодар қаласы білім беру бөлімінің әдіскері, «Инклюзивті білім беру жағдайында аутистік спектрдің аурулары бар балалармен жұмысқа жалпы білім беретін мектеп педагогтерін даярлау» тақырыбында - Шабанова Болды Анасовна, педагог-сарапшы, Павлодар педагогикалық университеті педагогика жоғары мектебінің педагогика ғылымдарының магистрі, «Болашақ педагогтердің инклюзивті құзыреттілігінің психологиялық-педагогикалық аспектілері» тақырыбында - Әшімханова Гүлбану Серікқызы, Е. Бөкетов атындағы Қарағанды университеті арнайы және инклюзивті білім беру кафедрасының аға оқытушысы, Абай атындағы Қазақ ұлттық педагогикалық университетінің докторанты, «Инклюзивті білім беруді жүзеге асыруда болашақ педагогтың жеке көзқарасын қалыптастыру» тақырыбында- Кударинова Әсел Сейдығалиқызы, Е.Бөкетов атындағы Қарағанды университетінің арнайы және инклюзивті білім беру кафедрасының аға оқытушысы, Абай атындағы Қазақ ұлттық педагогикалық университетінің докторанты сөз сөйледі.

Мемлекеттік тілде оқытатын бастауыш мектепте инклюзивті практиканы Қ.Бекхожин атындағы ЖОМ бастауыш сынып мұғалімі Жүнісова Бекзат Жақсылыққызы, «Бастауыш сыныптардағы бастауыш білім беру» тақырыбы, М. Әлімбаев атындағы мектептің бастауыш сынып мұғалімі Кудрышева Меруерт Болатбекқызы, «Бастауыш сыныптарға арналған инклюзивті білім беру» тақырыбы бойынша ұсынды. Береснева Ольга Юрьевна, № 36 ЖОМ директордың орынбасары, бастауыш сынып мұғалімі семинар қатысушыларын «Ерекше білім беру қажеттіліктерімен бағалауды өткізуге арналған мұғалімнің құжаттамасы және оқушыны психологиялық-педагогикалық қолдаудың мазмұнын анықтау» тақырыбымен таныстырды. Тычина Инна Валентиновна, № 43 ЖОМ бастауыш сынып мұғалімі «Аутистік спектрдің аурулары бар балаларға арналған оқу қызметін ұйымдастыру» тақырыбы бойынша жұмыс тәжірибесімен бөлісті. Валеулина Алмагүл Мұратқызы, № 30 ЖОМ бастауыш сынып мұғалімі, жұмыс дәптерлерін, тапсырмалар жинағын, жеңіл ақыл-ой кемістігі бар оқушылардың оқу қызметін ұйымдастыру бойынша бейімделген бағдарламаны ұсынды.

Семинар қорытындысы бойынша бастауыш сынып мұғалімдеріне әдістемелік көмек көрсету бойынша одан әрі ынтымақтастық туралы, 2022 жылғы наурызда Қостанай, Көкшетау, Семей қалалары педагогтерінің қатысуымен инклюзивті білім беру бойынша бірінші республикалық конференцияға қатысушылардың қатысуы туралы шешім қабылданды. Семинар қатысушыларына Павлодар педагогикалық университетінің сертификаттары, сөз сөйлеген жалпы білім беретін мектептердің педагогтарына жұмыс тәжірибесін тарату туралы куәліктер табыс етілді.