Павлодар қаласындағы Мұзафар Әлімбаев атындағы мектепте оқушылар қыш ісін меңгеруде. Үйірмені педагог-психолог Ақбаян Байтубаева ұйымдастырды. Бірнеше ай жұмыс істеген кезде оның алғашқы оқушылары бірнеше балшық бұйымдарын жасады.

Бастапқыда қыш қарапайым қолөнер болды. Уақыт өте келе ол өнерге айналды. Жиі оны балшық терапиясы ретінде қолданады. Балалар үшін бұл өте пайдалы. Ұсақ моториканы және қиялды дамытады. Сонымен қатар, мүсіндеу шыдамдылықты үйретеді.

- Бұл идея әуел бастан маған бес жыл бұрын, ұлыма аутизм диагнозы қойылған кезде келді, өйткені табиғат жүйкені тыныштандыратыны, стресті жеңілдетуге көмектесетіні жасырын емес, ал балшық-табиғи материал, мен балшық терапиясымен айналысуды ұйғардым, мен мамандығым бойынша педагог-психологпын, - дейді Ақбаян Байтубаева.

Бүгінгі таңда үйірмеде он оқушы оқиды. София Сафарова алғашқы жетістіктерімен бөлісті - ол жеті жұмыстың авторы. Кейбіреулерін өрнектермен безендірді.

- Бұл туралы менің тәтем айтты, ол қыш өнерін өте жақсы көреді, мені де қызықтырды, түрлі бейнелерді көрдім, содан кейін үйірмеге баруды шештім, екі айдан кейін інім екеуміз осында келдік. Балшықпен жұмыс істеу өте жақсы, бәрін бірден ұмытып кетесіз, - дейді мектеп оқушысы София Сафарова.

Мектепте үлкен жоспарлар жасалуда. Ауқымды көрме үшін балшықтан жасалған бұйымдар сериясын жасауға ниеттіміз.