Жас мамандардың кәсіби қалыптасуы бойынша пилоттық жобаны іске асыру шеңберінде Павлодар қаласы білім беру бөлімінің әдістемелік кабинеті педагогикалық шеберлік орталығының филиалымен бірлесіп ZOOM платформасында онлайн режимінде «Сабақты жоспарлауда 4К моделін тиімді қолдану» вебинарын өткізді. Мақсаты - оқытуда модельді тиімді қолдануда әдістемелік көмек көрсету, мақсат қою дағдыларын, рефлексивті дағдыларды жетілдіру. Тренингке бірінші жыл жұмыс істейтін қазақ және орыс тілдерінде білім беретін 100-ден астам жас мамандар қатысты.

Модераторлар Нұрахметова Шолпан Саменқызы, әдіскер, білім беру бөлімінің әдістемелік кабинеті «ПроЛС» клубының жетекшісі, Нығметова Бибігүл Жамбылқызы, жаттықтырушы, Әлмағамбетов Қайыржан Сағынтайұлы, педагогикалық шеберлік орталығы филиалының аға менеджері.

Вебинар жұмысы интерактивті форматта - бірлескен талқылаулар негізінде өтті. Қатысушылар 4К моделінің мәнін - креативті ойлау, сыни ойлау, қарым-қатынас, кооперация - қажетті құзыреттерді, аспектілерді қалыптастыруға, тапсырмаларды әзірлеуге, сабақты жоспарлау кезінде модельді енгізудің тиімділігін бағалауға бағытталған қазіргі заманғы сабақ модельдерінің бірі ретінде анықтауды үйренді. Әріптестердің ынтымақтастығы бірлескен оқыту ортасын құруға ықпал етті. Қатысушылар модель негізінде тиімді сабақ жоспарын әзірлеу бойынша әдістемелік ұсыныстар алды.

Қатысушылар бүгінде түрлі білімді біріктірмей, білімді оқытудың жаңа құралдарымен толықтырусыз, оқытудың жетістігі мүмкін еместігіне көз жеткізді. Тәжірибеде қолдануға арналған тренинг материалдары электронды-әдістемелік дайджестте орналастырылды және қала мектептеріне таратылды. Нұрахметова Шолпан Саменқызы «Инклюзивті білім беруді және инклюзивті практиканы дамыту жолдары» атты республикалық конференциясының ережесімен таныстырды, оларға конференцияға, «Үздік әдістемелік-дидактикалық құрал - 2022» қалалық байқауына қатысуды ұсынды.