Павлодар қаласы білім беру бөлімінің «Павлодар дарыны» бос уақытты  қамту және балалардың дарындылығын дамыту орталығында  Елбасының бақылауымен  іске асырылатын талантты және бәсекеге қабілетті жастарды тәрбиелеу жөніндегі бірегей жоба - «Елбасы медалімен» күміс және қола жүлдегерлер мен жеңімпаздарды марапаттаудың салтанатты рәсімі өтті. Жоба 14 - 29 жас аралығындағы жастарды тәрбиелеуге бағытталған және 7 бағыт бойынша даму бағдарламасын қарастырады: спорт, талант және дағды, кітап оқу, ұлттық мұра, волонтерлік, саяхат және жорықтар, жұмыс тәжірибесі.

Марапаттау рәсімінде қаланың жалпы білім беретін мектептерінің 9 оқушысы медаль алды. 6 ай бойы олар жеті бағыт бойынша тапсырмаларды орындады, өз білімдері мен дағдыларын жетілдірді. Спортпен шұғылдануда, өнерге баулуда, мұраны дәріптеуде, қайырымдылық жасауда және кітап оқуда үздік нәтижелер көрсетті.

№ 19 ЖОМ 11 сынып оқушысы Ерсинова Айсан күміс медальмен марапатталды.

№ 7 ЖОМ 11 сынып оқушысы Ещанова Аружан, № 20 мектеп-лицейінің 11 сынып оқушысы Жунусова Аима, № 21 ЖОМ 10 сынып оқушысы Хамитова Карина, № 24 ЖОМ 11 сынып оқушысы Рамазанов Асылхан, № 25 ЖОМ 11 сынып оқушысы Мұрат Оразалы, № 25 ЖОМ 9 сынып оқушысы Социал Гауһар, Кенжекөл мектебінің 11 сынып оқушылары Мейрам Нарқыз, Хусайын Ақбота қола медальмен марапатталды.

Естеріңізге сала кетейік, 2021 жылы Елбасы медалімен № 5, 14,16 (3), 17, 20 (4), 24, 25 (2), 26, 27(2), 28 (2), 29, 34,38, 39(2), 40, 43 (2), Кенжекөл, Қ. Бекхожин атындағы (2), Б. Момышұлы (4), М. Әуезов атындағы мектептің 34 оқушысы марапатталған болатын.