Павлодар қаласы білім беру бөлімінің әдістемелік кабинетінің жоспары бойынша 2022 жылғы 25 наурызда Павлодар қаласының № 16 лицей-мектебінде қаланың жалпы білім беретін мектептерінің 20-дан астам бастауыш сынып мұғалімдерінің қатысуымен семинар-практикум өткізілді.

Семинарда бастауыш сынып мұғалімі, № 16 лицей-мектептің педагог-шебері Жақсылықова Жанара Жұмағұлқызы «Бастауыш сынып оқушыларына жиынтық жұмыстардың тапсырмаларын құрастыру» тақырыбында жұмыс тәжірибесімен бөлісті. Қатысушылар БЖБ (бөлімді жиынтық бағалау) және ТЖБ (тоқсанды жиынтық бағалау) тапсырмаларын құрастыру бойынша бірлесіп жұмыс істеуге арналған Google қосымшаларымен танысты. Бастауыш мектеп жасындағы балалардың жас ерекшеліктеріне сәйкес қашықтықтан және дәстүрлі оқыту форматтарында пайдаланылатын онлайн ресурстар ұсынылды. Шығармашылық өзара іс-қимылда оқушыларды бағалау, жиынтық жұмыстардың өткізілуін ұйымдастыру және ерекшеліктері, тапсырмалар түрлері талқыланды.

Практикалық қызметте мұғалімдер бағалау принциптерін анықтады, 2 сынып оқушылары үшін негізгі пәндер бойынша жиынтық жұмыстардың тапсырмаларын әзірледі, жасалған жұмыстарға сараптама жүргізілді. Әзірленген материалды бастауыш сынып мұғалімдері 4 тоқсанда жиынтық жұмыстарды жүргізу кезінде пайдаланады.