Павлодар қаласының балалар музыка мектебінде 15 маусымда концерттік тәжірибе аяқталғаннан кейін «Сириус» мектеп жанындағы бейіндік лагерьдің маусымы ашылды. 16 - 30 маусым аралығында мектептің 6 - 12 жас аралығындағы 100 оқушысы лагерьде демалады.

Осы кезеңде оқушылар «Әлемді бағындырушылар» мектеп бағдарламасы бойынша демалыстарын музыкалық қабілеттерін, қызығушылықтары бойынша шығармашылық әлеуетін дамытумен үйлестіре алады, көркем шығармашылық пен өнер бойынша білімдерін 4 бағыт бойынша толықтыра алады.

«Планеталар шеруі» көркем-шығармашылық жобасы тақырыптық суреттер мен стендтің көркем безендірілуін жасауда балалардың қиялын және шығармашылық ойлауын дамытуды көздейді.

«Жұлдыздардан да жарық!» әзіл жобасы мультфильмдерді дыбыстау, «Досының күлкілі костюмі» сән көрсетілімі, әуе шарлары фестиваліне қатысу арқылы стандартты емес ойлауды дамытуға бағытталған.

«Жұлдыздарды жарықтандыру» музыкалық-танымдық жобасы -  вокалдық және хор шығармаларын, шоу-бағдарламаларды, конкурстарды, музыкалық ойындарды үйрену.

«Олимпиадашылар» мәдени-спорттық жобасы демалыс мәдениетін тәрбиелеуді, спорттық, квест ойындарына қатысуды, дене дамуын көздейді.

Команда капитандары жасақ басшыларымен бірге балалардың жас ерекшеліктерін ескере отырып, «экипаждар» құрды. Жазғы лагерьдің алғашқы күні түрлі-түсті және қызықты өтті. Салтанатты ашылуда әндер, әзілдер айтылды, ертегі кейіпкерлерімен шынайы шағын қойылымдар мен ойындар ойнатылды. Лагерьдегі демалыс күндері біздің кішкентай «Әлемді бағындырушылар» демалыс күндерін одан әрі мазмұнды және қызықты өткізуге себеп болады.