Павлодар қаласы білім беру бөлімінің әдістемелік кабинеті мен Инновациялық Еуразия университетінің «Инклюзивті білім берудегі психологиялық-педагогикалық қызметтің инновациялық әдіснамалық құралдары» атты бірлескен пилоттық жобасы аясында «Педагогтің жүйелі ойлауының инновациялық және әдіснамалық бағдарлары» тақырыбында ғылыми-практикалық семинар өтті. 50-ден астам мектеп директорларының орынбасарлары, пән мұғалімдері, бастауыш сынып мұғалімдері, логопед-мұғалімдер, педагог-ассистенттер, қаланың жалпы білім беретін мектептерінің педагог-психологтері қатысты.
Семинарда Павлодар қаласы білім беру бөлімінің әдіскер-зерттеушісі Шолпан Семенқызы Нұрахметова жүйелі ойлауды жетілдіру, педагогтердің кәсіби деңгейін арттыру мәселелеріне тоқталды. Қайырбекова Багжанат Дындарбекқызы, педагогика ғылымдарының докторы, профессор, Инновациялық Еуразия университетінің «Әлеуметтік-гуманитарлық ғылымдар» кафедрасының меңгерушісі, университеттің МАИН халықаралық ақпараттандыру Академиясының академигі «Заманауи инклюзивті білім беру жағдайында білім алушының әлеуетін ашуға арналған сұрақ-рефлексиялық тәсіл» тақырыбында сөз сөйледі.
Семинар қатысушылар: бастауыш, негізгі, жоғары мектеп педагогтері «қарапайымнан күрделіге қарай даму сатыларын» ұйымдастырудың негізінде жатқан ЖАК логикасында ойлау әдісін игеру мәселелерін талқылады. Жеңілдетілген түрде баланың интеллектуалды өзін-өзі дамыту циклі төрт фокусты қамтиды: қызығушылық - мотив - әрекет - өзін-өзі бағалау. Білім алушының әлеуетін ашу бойынша сұрақ-рефлексивті тәсіл мәселесін практикаға енгізуге баса назар аударылды. Семинарға қатысушылар келесі семинарға үй тапсырмаларын алды.
Семинар материалдары жұмыста әрі қарай пайдалану үшін чатқа жіберілді. Қала мектептерінің оқу үдерісінде инклюзивті білім берудің ғылыми-әдістемелік жұмысы жөніндегі жобаның бағдарламасы ЖОО мен мектептер ынтымақтастығы бағыттарының бірі болып табылады, бұл жоба Инновациялық Еуразия университеті мен Павлодар қаласының білім беру бөлімінің оқу жылына арналған бірлескен жұмысына арналған. Жоба жетекшілері Қайырбекова Багжанат Дындарбекқызы, Нұрахметова Шолпан Саменқызы, жобаның ғылыми кеңесшісі Цой Валерий Иванович, әдіскер, талдаушы, т.ғ.к., кафедра профессоры, Астана қаласы жүйелік талдау және модельдеу академиясының директоры, 30 оқулық пен монографияның, 20 өнертабыстың авторы.
