2023 жылғы 12 қыркүйекте Павлодар қаласы білім бөлімінің «Павлодар дарыны» бос уақытты қамту және балалардың  дарындылығын дамыту орталығы 9-11 сынып оқушылары арасында IV облыстық гуманитарлық олимпиаданың қалалық кезеңін өткізеді.

               Мақсаты - адамгершілік-эстетикалық даму мен тәрбиенің көрсеткіші болып табылатын оқу мәдениетін қалыптастыру, ұлттық тарих пен әдебиетке танымдық қызығушылықты арттыру.

Олимпиада екі турда өтеді.

               I турда оқушылар 20 тест тапсырмасын орындайды - Қазақстан тарихы бойынша 10 тапсырма және қазақ әдебиеті бойынша 10 тапсырма.

               II турда оқушылар ұсынылған үш тақырыптың біріне эссе жазады.

               Қазылар алқасының құрамында қаланың жоғары оқу орындарының оқытушылары жұмыс істейтін болады.

               Байқау қорытындысы бойынша жеңімпаздар мен жүлдегерлер қалалық білім бөлімінің I, II, III дәрежелі дипломдарымен марапатталады. Жеңімпаздар олимпиаданың облыстық кезеңіне қатысады.

«Павлодар дарыны» орталығы

Павлодар қаласының білім бөлімі