Құрметті әріптестер!

Сіздерді кәсіби мерекелерлеріңіз – «Мұғалімдер күнімен» шын жүректен құттықтаймыз.

Мұғалім – қай қоғамда болмасын құрметті қызмет болған және бола береді.

Барлық адамзат баласы «ұстаздық еткен жалықпас, үйретуден балаға» ұранына бас иеді және «білім беру рухын» естерінде мәңгі сақтап келеді.

Әрбір саналы азамат үшін, қадірлі мұғалім-ұстаз атының мәртебесін одан әрі биіктету – сіз бен біздің негізгі ұстанған басты бағытымыз болуы тиіс.

Еселі еңбектеріңіз, тәжірибелеріңіз, ұрпақ тәрбиесіне арналған игі істеріңіз көпшіліктің құрметінде, ыстық ықыласында мәңгілік қалады. Ел үшін атқарған қызметтеріңіз өзінің лайықты жоғары бағасын алатынына сенімдіміз.

Осы мерекеде, зор денсаулық, асқан бақыт, отбасыларыңызға амандық және білікті де дарынды шәкірттеріңіз көп болсын!

Сіздерге, шынарлы шың жетістіктері мен тың шығармашылық табыс, одан әрі қарай көркейе берулеріңізге тілек білдіреміз!

Павлодар қаласының білім беру бөлімі