Бүгінгі білім беру жүйесінің басты бағыты – қоғам өзгерістеріне қарсы тұра алатын ғана емес, әлеуметтік-экономикалық үрдістерін басқара алатын мамандарды қалыптастыру. Шын мәнінде, өркениетті қоғамдағы бәсекелес нарықтық қатынастардың барлық қиыншылықтары – бүгінгі оқушылардың мойынында. Ал сондай оқушыларды дайындау барша мұғалімдердің алдында тұрған міндет. Осындай келелі міндетті атқару үшін мұғалім үнемі ізденіп, өз кәсіби шеберлігін арттыруға тиіс. Бұл жолда озық тәжірибемен бөлісетін мамандарда баршылық.

Павлодар қаласының білім беру бөлімінде озық тәжірибелі мұғалімдердің жұмыстары іріктеу турынан өтті. Инновацияляқ педагогикалық тәжірибемен 89 мұғалім қалалық деңгейде, 33 мұғалім облыстық деңгейде өз тәжіребесімен бөлісуге өтінім берді. Сараптама комиссия мүшелері ұсынылған жұмыстарды қарастырып, 51 жұмысты қалалық деңгейде, 33 жұмысты облыстық деңгейде қорғауға ұсынды.

Инновацияляқ педагогикалық тәжірибені қорғау кезеңі 2016 жылдың қаңтар айында ИнЕУ өтеді. Сараптама комиссия мүшелері құрамына жоғары оқу орындарының ғалымдары, білім беру бөлімінің әдіскерлері, мектеп әкімшілігі, шығармашылықпен жұмыс істейтін мұғалімдер кіреді.

Сіздерге шығармашылық шабыт пен табыс тілейміз!

Павлодар қаласы білім беру бөлімінің

әдістемелік кабинеттің меңгерушісі Ш.С.Нұрахметова,

білім беру бөлімінің әдіскері Н.Ш.Азанбаева