Павлодар қаласы білім беру бөлімінің әдістемелік кабинеті жалпы білім беру мектептерінің жас директор орынбасарларына әдістемелік көмегін беруді жалғастыруда. Тәжірибесі 3 жылдан кем директор орынбасарларының қатысуымен жас директор орынбасарларының кезекті отырысы № 34 ЖОМ базасында өтті. Қала мектептерінде 40 астам мектеп директорының жас орынбасарлары жұмыс істеуде.

Бұл отырыста № 34 ЖОМ директор орынбасарлары Т. А. Савченко, Ж. А. Муталипова аттестаттауды өткізу ережесіне қосымшалар мен өзгертулерді енгізу туралы, педагогикалық кадрларды аттестаттаудан өткізудің нормативтік-құқықтық базасы туралы түсіндірме жұмысын жүргізді. Қатысушылардың сұрақтарына жауап беріліп, аттестаттаудан өтетін мұғалімдердің педагогикалық іскерлігіне жоспарлы түрде және кезектен тыс сараптама жүргізу барысында туындаған мәселелерге жеке - дара кеңес беру туралы шешім қабылданды. Мектеп психологі В. В. Фольц білім беру үрдісі мен мектеп әкімшілігі және психологиялық қызметтердің өзара ықпалдастығын психологиялық-педагогикалық қамсыздандыру бойынша теориялық және тәжірибелік материалдар ұсынды. Мектеп директорларының орынбасарлары өз жұмыстарымен бөлісіп, құжаттарды жүргізу мен мониторингтің материалдарымен таныстырды. Жас орынбасарларға практикалық көмек көрсету бойынша мектеп отырыстары айына бір рет өткізіледі. Бір ай көлемінде сұраныс бойынша электрондық дайджест пен виртуалдық онлайн қабылдау жұмыс істейтін болады.