Аймақтағы балалар-жасөспірімдер туризмін дамыту және белсендету үшін педагогикалық шарт-жағдайларды қамтамасыз етуі мақсатында Павлодар қаласы білім беру бөлімінің Балалар-жасөспірімдер экология және туризм орталығында 2016 жылғы 28 қазан күні «Білім беру ұйымдарында тәрбие берудің заманауи үлгісі тұрғысындағы туристік-өлкетану қызметі» тақырыбы бойынша аймақтық семинары өтті.

Семинар жұмысына 60 астам жалпы орта білім беру мектептері және қосымша білім беру мекемелерінің туристік-өлкетану қызметімен айналысатын үйірмелер, клубтар мен секциялардың жетекшілері, дене тәрбиесі пәнінің мұғалімдері, мектеп туризмінің нұсқаушылары қатысты. Семинар бағдарламасы көлемінде қатысушылар туристік-өлкетану қызметінің нормативтік-заңшығарушылық тұрғыда қамтамасыз етілуі, мектептегі туристік-өлкетану жұмысының мазмұны мен үлгілері: ұйымдастыру және жоспарлау, топография мен бағдарлаудың негіздері, жас туристердің дене және техникалық дайындығы, туристік жорықты дайындау технологиясы, жорықтар және экскурсиялар барысында қауіпсіздікті қамтамасыз ету шаралары, оқушылармен жаппай туристік іс-шараларды ұйымдастыру және өткізу, экскурсиялық туристік-өлкетану маршрутын құрастырудың әдістемелік негіздері сияқты сұрақтармен танысты.

Туристік көпсайысы бойынша оқу-машықтану тәжірибесі өткізілді. Семинардың қорытындылары бойынша ұсынымдар әзірленіп, қатысушыларға сертификаттар табыс етілді.