Облыстық сайыстың қорытындысы бойынша дінтану мұғалімдерінің финал кезеңінде «Зайырлылық және дінтану негіздері» пәні бойынша І орынды № 20 мектеп-лицейінің тарих мұғалімі Ерлан Тоқтағұлұлы Марзатаев иеленді, ІІ орынды Кенжекөл ЖОМ тарих мұғалімі Гамал Қайыргелдіұлы Күлжанов, ІІІ орынды № 35 ЖОМ тарих мұғалімі Қалқа Хамитқызы Жунуспаева иеленді. «Ең үздік инновациялық сабақ» аталымы № 29 ЖОМ тарих пәні мұғалімі Болат Дәулетұлы Сапановқа берілді. Финал кезеңінің барлық қатысушылары дипломдармен марапатталды.
Сайысқа барлығы 22 сабақ әзірлемесі ұсынылды, ақтық кезеңге 14 жұмыс өтті, оның ішінде 4 жұмыс Павлодар қаласының тарих пәні мұғалімдерінің жұмыстары. «Зайырлылық және дінтану негіздері» пәні бойынша ең үздік сабақ әзірлемесі сайысын облыстық білім беру басқармасы 2017 жылы 10 - 27 сәуір аралығында өткізді. Сайыстың қорытынды кезеңі 27 сәуірде Павлодар көлік және коммуникация колледжінде ұйымдастырылды.