Павлодар қаласының № 34 ЖОМ спорт залында Отан қорғаушылар күніне арналған «Әр кез үздік те, әйгілі де, үйлесімді бол» атты спорттық-командалық ойыны өтті. Ойынға «Спорт бекеті» атты ұстаздар командасы, «Ертіс» атты ата-аналар командасы және 9-сынып оқушыларының «Тайгер» командасы қатысты. Команда құрамы 18 оқушыдан тұрады.

Жарыс команда капитаны өткізген әсерлі әнмен қоса жаттығудан басталды. Ойынның аясында дене тәрбиесі пәнінің мұғалімдері қатысушыларға «Салмақ тасу», «Кедергіден секіру», «Допты шығыршылққа лақтыру», «Боулинг» эстафеталарын ұсынды. Капитан сайысында баскетбол добын шығыршыққа лақтыруда ең мерген снайпершіні анықтады. Жаңа спорттық құрал-жабдықтармен «Самрұқ-Қазына» АҚ және «Samruk-Kazyna Trust» әлеуметтік жобаларды дамыту қорының жаңа стандарттары мен технологияларын қолданумен «Біз спортты таңдаймыз» облыстық сайысына қатысу және жеңіске жету үшін көпіршіктен жасалған белдік пен цилиндр, кедергілер мен текшелер, стритбол бағанасы, секіруге арналған доптар, ағаштан жасалған кегельдерді қолданумен спорттық ойындар өткізілді. Алайда, жарыстардың шыңы флорбол добымен хоккей ойынын тамашалау болды. Жанкүйейлер өз командаларын думанды қарсы алды.

Ойынның қорытындысы бойынша І орынға «Тайгер», ІІ орынға «Ертіс» командасы ие болып, үштікті «Спорт бекеті» командасы тұйықтады. «Біз ата-аналармен «Қызықты жарыстар», волейбол, баскетбол, шағын футбол, үстел теннисін ойнау бойынша кездесулер өткіземіз. Осы жолы жаңа спорт құрал-жабдықтарын көрсетуді ұйғардық», - деді дене тәрбиесі пәнінің мұғалімі Мейрам Каримович Скаков.