Облыс мұғалімдерінің педагогикалық тамыз кеңесі шеңберінде облыстық секцияларда Павлодар қаласы білім беру бөлімінің мамандары мен әдіскерлері қатысты.

Назарбаев зияткерлік мектебінде Павлодар қаласының әдістемелік кабинет меңгерушісі Шолпан Сәменқызы Нұрахметова, кабинет әдіскерлері Нұргүл Шалабайқызы Азанбаева, Гүлбану Болатқызы Әубәкірова, Жанар Зейноллақызы Геложутдинова пікірталас алаңшаларда жаңартылған білім беру бағдарламасы аясында мұғалімнің кәсіби құзыреттілігін жетілдірудегі әдістемелік қызметті ұйымдастыру, шығармашылық топ жұмыстарын ұйымдастыру, инновациялық педагогикалық технологияларды меңгеруде мұғалімдерге әдістемелік қолдау жасау, инновациялық озық тәжірибенің жалпылауын  өткізу бойынша өз тәжірибелерімен бөлісті.  № 29 ЖОМ, № 28 ЖОМ директорлары В. А. Еленич, Г. С. Мантықова басшылар секциясының модераторлары болды. Пікірталас алаңшаларының модераторлары мен спикерлеріне білім беруді дамытудың инновациялық орталығының сертификаттары табысталды.

Назарбаев зияткерлік мектебінің секцияларында әдістемелік қызметінің қызметкерлері, қала, аудан білім беру бөлімдері ұйымдарының басшылары  қатысты.

20 пән бойынша 20 облыстық секцияларда 100 астам Павлодар қаласы білім беру ұйымдарының басшылары қатысады.