Павлодар қаласының мектепке дейінгі мекемелерде «Рухани жаңғыру» бағдарламасын жүзеге асыру аясында «Асық party» науқан эстафетасы іске қосылды.

Ұлттық спорт түрі бойынша ең алғашқы болып № 35 балабақша шара ұйымдастырды. Біз «Асық party» туралы әлеуметтік желіден білдік - деді балабақша басшысы Гүлжауар Аубәкірова. Балабақшада біз рухани-адамгершілік және әлеуметтік-мәдени құндылықтарды қалыптастыру үшін, ұлттық дәстүрлерге негізделген түрлі формалар мен әдістерді қолданамыз. Асық - бұл ертеден кележатқан ұлттық ойын, оның әсерінен балалар дене бітімі жағынан жетіліп қоймай, сонымен қатар шыдамдылықты, топта жарыса түсе білуге үйренеді. Алшіктерді тәрбиеленушілер ойын кезінде ғана пайдаланып қоймайды, ұйымдастырылған оқу іс-әрекетінде: ақ, қара асықтармен шахмат ойнайды, санау үшін, санамақ айту кезінде алуан түрлі асықтарды қолданады.

Мерекелік шарада балалар ән салды, биледі және асықтарды дәл көздеп атып жарысты. Мерекенің соңында балаларға мақтау қағаздары және кітаптар табысталды. Эстафетаны № 28 балабақша жалғастырады.