«Балдәурен» оқу-сауықтыру орталығында «Менің бастамаларым-менің Отаныма» атты 7 ауысым басталды. 2017 жылдың 24 қарашасында достастық бастамалардың алғашқылары болып Тұңғыш Президент Күні және Қазақстан Республикасының Тәуелсіздік Күніне арналған «Тәуелсіздік тұғыры» атты мерекелік концертпен оқушыларға Иса Байзақов атындағы облыстық филармония келді.
Оқушылар филармония әншілерін қызығушылықпен тыңдады. Бір сағат ішінде әртістер эстрадалық және халық әндерімен алмасып отырған классикалық және қазіргі заманғы шығармаларды орындады. Концертте халықаралық конкурстардың лауреаты Талғат Кәден, Тұманбай Молдағали атындағы республикалық конкурстың лауреаты Жібек Айтпаева, облыстық филармония әншілері Әнел Қанатова, Бауржан Ахметов, Наталья Процкая, Руслан Жұмабаев ән шырқады. Наталья Процкаяның орындауында Латиф Хамидидің «Вальс о весне» және «Титаник» кинофильмінен Дж. Хорнердің «My Heart Will Go Оn» әндері шырқалды.
Орталық балалардың шығармашылық қабілеттерін дамыту және өнерге баулу мақсатында филармониямен ары қарай ынтымақтасады.