2018 жылғы 16 наурыз күнi № 25 жалпы орта бiлiм беру мектебiнде (Майра көшесі 49/2) «Павлодар дарыны» бос уақытты қамту және балалардың дарындылығын дамыту орталығы «Махамбет оқулары» қалалық кезеңі өткiзiледi.
Оқуларының мақсаты - оқушылардың орындаушылық шеберлігін арттырып, олардың өнерінің шыңдала түсуіне, сахналық мәдениетін көтеруге арқау болу, қазақтың батыр да тарлан ақыны - Махамбет Өтемісұлы шығармашылығын оқушылар арасында кеңінен насихаттау. Ақын шығармалары негізінде өскелең жас ұрпақты адамгершілік рухында тәрбиелеу, Отанға деген сүйіспеншілігін арттыру.
Биыл Махамбет оқулары сайысы 3 аталым бойынша өткiзiледi:
«Мен – Өтемістің баласы Махамбет атты батырмын» Махамбет шығармаларын жатқа оқу. Бұл номинацияда оқушы өлеңдерiнiң саны мен көлемiне, сапасына, яғни мәнерлеп оқуына көп назар аударылады.
«Ұлыарман» – Махамбет Өтемісұлы күйлерiн орындаушылар сайысы.
«Тартынбай сөйлер асылмын...» - жас ақындар сайысы, яғни оқушы өз өлеңiн, күйiн қазылар алқасының назарына ұсынады.
Сайыстың жеңімпаздары облыстық кезеңде қатысады.
Тел. 322343, 87056099752
Павлодар қаласы білім беру бөлімі