2018 жылғы мамырдың 25-і Павлодар қаласының 42 жалпы орта білім беру мектептерінде 40 мың оқушылар үшін соңғы қоңырау мерекесіне арналған салтанатты іс-шаралар өтті.

Қаланың 1115 мектеп бітіруші түлектері үшін соңғы қоңырау соғылды. Мерекелік шараларға облыс және қала әкімдігінің, «Нұр Отан» халықтық-демократиялық партиясының, қоғамдық ұйымдардың өкілдері, педагогикалық еңбек ардагерлері, құрметті азаматтар, БАҚ өкілдері қатысты.

Қала мектептерінің түлектері арасында 32 «Алтын белгі» аттестатына, 27 үздік аттестатқа үміткерлер бар.

Алда 11 сыныптың түлектері үшін қорытынды аттестаттау сынағы тұр. Маусымның 20-нан  30-ы аралығында 789 түлек ҰБТ тапсыруды жоспарлауда.

Облыс экологиясы жылы шеңберінде № 9 гимназия-мектебіне Павлодар қаласының әкімі Н.К. Әшімбетов арнайы мамандырылған биология кабинетін сыйлады.