ПАВЛОДАР ҚАЛАСЫНЫҢ БІЛІМ БЕРУ МЕКЕМЕЛЕРІНІҢ ВЕБ-САЙТТАРЫ
kense.oo.ap@pavlodar.gov.kz
140 000 Павлодар қ., Кривенко көшесі, 25
32-21-67
сенім телефоны/Call-орталық
8 7182 32 19 37

Сайт отдела образования города Павлодара
Сайттың аналитикасы
Бір жылда
Бір айда
Бір аптада
Кеше
Павлодар қаласының мектептеріне бірінші сыныпқа балаларды электрондық форматта қабылдау басталды
07-06-2018 14:40
Павлодар қаласының мектептеріне бірінші сыныпқа балаларды электрондық форматта қабылдау басталды

Баланы бірінші сыныпқа тіркеу оңай бола бастады. Енді ата-аналар үйден шықпай-ақ бірінші сыныпқа балаларын онлайн түрде тіркей алады. Жаздың басталуымен «Mektep Pavlodar» цифрлық жобасы іске қосылды. Оның тұсаукесері 7 маусымда сағат № 39 ЖОМ базасында өткізілді. Тұсаукесерге шақырылғандардың ішінде «BFGroup Inc» ЖШС бағдарламаның әзірлеушілері, № 39 ЖОМ ата-аналары, Павлодар қаласы білім беру бөлімінің өкілдері болды.

«Бұл жоба білім беру ұйымына 1 сыныпқа балаларды автоматтандырылған түрде тіркеу болып табылады. Енді ата-аналар өтінішті электронды түрде бере алады, білім беру ұйымына қабылдау үшін керекті құжаттарды беруді жүзеге асыра алады, білім беру ұйымын және сыныпты таңдауға және оқыту тілімен танысуға мүмкіндіктері бар. Өтінішті қарау нәтижесін ата-аналар ұялы телефонға жеткізілетін PUSH-хабарландыру арқылы біле алады», - деп баяндады Павлодар қаласының білім беру бөлімі.

Уақытты үнемдеу - электрондық жүйенің басты артықшылығы. Сонымен қатар цифрлық формат барлық іс-әрекеттердің ашықтығын қамтамасыз етеді. Әркім бірінші сыныпқа баласын өзіне ыңғайлы кез-келген уақытта, үйден немесе кеңседен компьютер, ноутбук, планшет немесе тіпті ұялы телефон арқылы тіркей алады.

«Қызмет көрсету мерзімі: өтініш пен құжаттар топтамасын қызмет берушіге тапсырған сәттен бастап бес жұмыс күні ішінде push-хабарландырукеледі. 1 сыныпқа қабылдау мерзімі: 1 маусымнан 30 тамызға дейін», - деп атап өтті Павлодар қаласының білім беру бөлімі.

Сонымен қатар балаларды бірінші сыныпқа қабылдау үшін төмендегідей құжаттар қажет:

1) ата-анасының бірінің (немесе өзге де заңды өкілдерінің) көрсетілетін қызметті алушының электрондық құжат нысанындағы өтініші;

2) баланың туу туралы куәлігінің электрондық көшірмесі;

3) денсаулық жағдайы туралы анықтаманың (форма 026/у-3) электрондық көшірмесі;

4) 3х4көлеміндегі цифрлық фотосурет;

5) психологиялық-медициналық-педагогикалық комиссия қорытындысының электрондық көшірмесі (қажет болған жағдайда).

Айта кететін жайт, бастауыш білімнің жалпы білім беретін оқу бағдарламаларын іске асыратын мектептер білім беру ұйымдарының қызмет көрсету аумағында тұратын, ағымдағы күнтізбелік жылы алты жасқа толатын барлық балалардың бірінші сыныпқа қабылдануын қамтамасыз етеді.

Павлодар қаласы білім беру бөлімінің сайтында https://bilim-pavlodar.gov.kz/content/view/1/20706?lang=kz - «Бірінші сыныпқа қабылдау» қосындысы ашылған.