Павлодарқаласы білім беру бөлімі «Павлодар дарыны» бос уақытты қамту және балалардың дарындылығын дамыту орталығымен 2019жылы 15 ақпанда сағат 14.00-де № 14 ЖОМ (Катаев көшесі, 36) қаланың жалпы білім беру мектептерінің 5 - 11 сынып оқушылары арасында «Махамбет оқулары»байқауы өтеді.
Оқу мақсаты - ақын Махамбет Өтемісұлы, қазақ батырының шығармашылығын насихаттау, ақын шығармашылығын білу, Отанға деген сүйіспеншілігін тәрбиелеу, оқушылардың шығармашылығын қолдау.
Биылғы жылы «Махамбет оқулары» байқауы 3 номинация бойынша өткізіледі:
«Мен – Өтемістің баласы Махамбет атты батырмын» - Махамбет шығармасын жатқа оқу. Номинацияда мәнерлеп оқу дағдыларына, жатқа оқылған өлеңді білу саны, көлемі, көркемдік орындалуына көп көңіл бөлінеді.
«Ұлыарман» - Махамбет Өтемісұлының күйін орындау.
«Тартынбай сөйлер асылмын...» - жас ақындар байқауы. Оқушылар өзі шығарған өлеңдерін, тақпақтарын ұсынады.
Жеңімпаздар мен жүлдегерлер І, ІІ, ІІІ дәрежелі дипломдармен марапатталады. І дәрежелі диплом иегерлері ақпан айында байқаудың облыстық кезеңіне қатысады. Тел. 322343
Павлодар қаласы білім беру бөлімі